დავით სერგეენკო: დიდი ალბათობით, საპარლამენტო დელეგაცია უკრაინაში ამ კვირის ბოლოს გაემგზავრება

"არც კი შეიძლება, რომ მე არ ვიყო დელეგაციაში, ბოლოს და ბოლოს სერგეენკო ვარ - დღეს იქნება საბოლოო შეხვედრა და დელეგაციის შემადგენლობა გამოცხადდება",- ამის შესახებ პარლამენტის ვიცე-სპიკერმა, დავით სერგეენკომ განაცხადა.

მისი თქმით, დელეგაცია უკრაინაში სავარაუდოდ, კვირის ბოლოს გაემგზავრება.

„როგორც გუშინ გაკეთდა განცხადება საპარლამენტო დელეგაციას, ხაზს ვუსვამ, საპარლამენტო დელეგაციას, უარი არც არასდროს უთქვამს და პირიქით, ჩვენი ვალდებულებაც არის ჩავიდეთ უკრაინაში.

დღეს იყო კიდევ ერთი სამუშაო შეხვედრა, სადაც ეს საკითხი განვიხილეთ, ახლა მიდის კომუნიკაცია უკრაინულ მხარესთან და დიდი ალბათობით, დელეგაცია გაემგზავრება ამ კვირის ბოლოს, პარასკევს ან შაბათს.

დღეს იქნება საბოლოო შეხვედრა და დელეგაციის შემადგენლობა გამოცხადდება, არც შეიძლება, რომ მე არ ვიყო დელეგაციაში, ბოლოს და ბოლოს სერგეენკო ვარ", - განაცხადა სერგეენკომ.

კითხვაზე, როგორ შეაფასებდა ბრალდებებს საქართველოს ხელისუფლების პრორუსულობასთან დაკავშირებით, სერგეენკომ განაცხადა, რომ მის ირგვლივ არავინ არის პრორუსი.

„მე პასუხს ვაგებ ჩემს სიტყვებზე და აქ, ჩემს ირგვლივ არავინ არ არის ნამდვილად პრორუსი.

ბოლოს და ბოლოს სერგეენკო ვარ და სამშობლოს ღალატია ჩემთვის უკრაინის წინააღმდეგ ყოფნა“,- აცხადებს პარლამენტის ვიცე-სპიკერი.

ასევე დაგაინტერესებთ:

🔵 "უკრაინელმა ბიზნესმენმა ვებ - კამერაში  დაინახა, რუსები როგორ გამაგრდნენ მის ფეშენებელურ სახლში, საბრძოლო არსენალით - კოორდინატები უკრაინის თავდაცვის სამინისტროს მიაწოდა და სახლიან-რუსიან-ტექნიკიანად ააწევინა ჰაერში"

🔵 ხარკოვში რუსმა დამპყრობლებმა დაახლოებით 2 ათასამდე შენობა გაანადგურეს