დევნილები აფხაზეთის მთავრობის წარმომადგენლებს შეხვდნენ

სანატორიუმ „ქართლში“ მცხოვრები ორი დევნილი მოქალაქე აფხაზეთის მთავრობის წარმომადგენელს, უმაღლესი საბჭოს თავმჯდომარეს, ჯემალ გამახარიას შეხვდა.

შეხვედრა დახურულ კარს მიღმა 2 საათის განმავლობაში მიმდინარეობდა.

როგორც დასრულების შემდეგ გაირკვა, დევნილებმა აფხაზეთის მთავრობის წარმომადგენლებთან ერთად ბევრი საკითხი განიხილეს, თუმცა, მთავარი თემა „ქართლში“ მცხოვრები დევნილების სასწრაფოდ ბინებით დაკმაყოფილება იყო.

დევნილების განცხადებით, სანატორიუმ „ქართლში“ ახალი ბზარები გაჩნდა და ჭერი ჩამოანგრია.

"პირველ რიგში სამძიმარი გამოგვიცხადეს და ჩვენი მდგომარეობა ზოგადად, ბატონი ზურაბის გარდაცვალება, დიდი წუხილით მიიღეს.

ვისაუბრეთ ძალიან ბევრ საკითხზე, თუმცა მთავარი მაინც ჩვენი მოთხოვნა იყო, რომ არანაირი ქირა და არანაირი ლოდინი – იქიდან სასწრაფოდ უნდა გაგვიყვანონ.

სახელმწიფოს აქვს იმისი რესურსი, რომ ეს ყველაფერი გააკეთოს, მაგრამ თვითონ ამ ადამიანებმა შეთავაზება გააკეთეს და 100% -იანი გარანტია გვითხრეს, რომ ჩვენ ყველაფერს გავაკეთებთო.

100%-იან გარანტიას გაძლევთ, რომ ყველაფერი გექნებათ და იმის, რისიც 1 წლის განმავლობაში არ გჯერათ, ქირა იქნებაო…

1 წლის შემდეგ ჩვენ არ ვიცით სად წავიდეთ.

გვითხრეს, რომ 1 წლის შემდეგ კორპუსი აშენდებაო.. აი, ამის 100%-იანი გარანტია მოგვცეს.

სავარაუდოდ, ჩვენი ხალხი ამ შემოთავაზებას არ დათანხმდება, ეს წინადადება ჩვენ ჯანდაცვის სამინისტროში, ბატონმა ილია ღუდუშაურმაც შემოგვთავაზა, მაგრამ არ დავთანხმდით.

ასე რომ ყოფილიყო, შეიძლება ის ადამიანი დღეს აქ ყოფილიყო.

ერთადერთი ჩვენი მოთხოვნა იყო, რომ სასწრაფოდ ბინებით დაგვაკმაყოფილონ და ეს არარეალური არაა", - განაცხადა ჟურნალისტებთან საუბრისას ერთ-ერთმა დევნილმა, რომელიც შეხვედრას ესწრებოდა.

სხვა სიახლეები:

🔳  "ყველა მათგანი ნგრევადია, ყველა მათგანში ცხოვრება საშიშია" - ანა წითლიძე დევნილთა სამინისტროს მიმართავს

🔳 "აფხაზეთი უმდიდრესი მხარე იყო და ძალიან დიდი ბოდიში ყველა ადგილობრივთან თუ ახლა, სამ სართულიანი სახლების მაგივრად 36 კვადრატულს გვაძლევს სახელმწიფო" - დევნილი ჟურნალისტის ემოციური მიმართვა

🔳 "თუ ვერ მოვახერხებთ ყველა ადამიანის ვაქცინაციას, ჩვენ შევქმნით ახალ ვარიანტებს" - გაეროს გენერალური მდივნის გაფრთხილება მსოფლიოს

🔳  თამარ გაბუნია: ინფიცირებულთა დიდი ნაწილი ახალგაზრდა ასაკობრივ ჯგუფში ფიქსირდება, ამიტომ ჰოსპიტალურ სექტორზე ზეწოლა არ გაზრდილა