ეს არის შეკვეთილი პროვოკაცია ალეკო ელისაშვილის - ძალით კაცის შესრულებით, ეს იყო დაგეგმილი და ამის მტკიცებულება მაქვს - მამუკა მდინარაძე

მამუკა მდინარაძის განცხადებით, მასზე ალეკო ელისაშვილის თავდასხმა შეკვეთილი პროვოკაცია იყო. მისივე თქმით, მას ამის მტკიცებულებაც აქვს. უმრავლესობის ლიდერმა ამ საკითხზე იურიდიულ საკითხთა კომიტეტის სხდომაზე ისაუბრა.

„ეს არის იყო შემთხვევითი, ეს იყო დაგეგმილი და ამის მტკიცებულება მაქვს. ჯერ ეს ქურდულად მოპარვა და ხელის დარტყმა, რომელ კაცობაში, ქართველობაში ზის და ცხოვრებაში ამას რომ ვერ გამიბედავდა ეს „კაცი“, ამაზე ლაპარაკი აღარ არის. ყველა ადამიანს აქვს თავისი აზრი და რწმენა და ამის გამო ერთმანეთს რუსები არ უნდა ვეძახოთ, თორემ მერე ასეთი არამზადები სარგებლობენ და ვითომ კაცობენ, ამას საკადრისი პასუხები გაეცემა. ასეთი ტიპის მიპარვით, ქურდულ, არაკაცურ, ფლიდურ ძალადობას შობს ეს ცრუ ნარატივი, რომელსაც ჩვენს მიმართ ვხედავთ.

რამდენიმე დღის წინ ჩემმა მეგობარმა მომწერა მესიჯი, რომელიც მისმა მეგობრის შვილმა მისწერა, სხვათა შორის რამდენიმე ჟურნალისტს ჩავუგდე რამდენიმე დღის წინ ეს მესიჯი - „იქნებ მამუკა მდინარაძეს მივაწვდინოთ ხმა. ერთი გოგოა, ის უნდა შევიდეს მდინარაძესთან ინტერვიუზე. პარლამენტში ვინც არიან ჩვენები, არც არაფრის თავი არ აქვთ [ზრდილობიანად რომ ვთქვათ], უფრთხილდებიან, პირადი სიმპათიები აქვთ თუ რა ჯანდაბა სჭირთ ვერ გავიგეთ და მდინარაძე იქნებ ამან მაინც ცოტათი მიაბანძოს, ძალიან შეუბერაო. წესით, პროვოკაციებს იკადრებენ, უკადრებელს იკადრებენ ამ დღეებში და მინდა იცოდეს, გვიგებენ რეალურად და უარგუმენტოდ ვართ გარედან ტიპების იმედზეო“. ეს მესიჯი რამდენიმე ჟურნალისტს ჩავუგდე. მესიჯია ჩემი მეგობრის, რომელიც მიწერა მისი მეგობრის შვილმა, რომელიც შარშან აქციებზე იდგა და წელს ცოტა სხვა აზრზეა. ანუ, ეს იყო დაგეგმილი, სავარაუდოდ, „გადახდილი პროვოკაცია“, რომელიც ალეკო ელისაშვილმა იკადრა. ძალიან შეუბერა მამუკა მდინარაძემო. ანუ არგუმენტებით ვერ მიგებდნენ და უნდოდათ ახლა, უკაცრავად ჟარგონისთვის და, „გავებანძებინე“ ალეკო ელისაშვილს და მისნაირ წუმპიდან ამოვარდნილ ხალხს. თუ ჩხუბი უნდა, მოვიდეს და პირისპირ, თვალი თვალში გამიყაროს და მეჩხუბოს ან რაღაცა ქნას. ეს არის შეკვეთილი პროვოკაცია, ალეკო ელისაშვილის, ძალით კაცის შესრულებული“, - განაცხადა მდინარაძემ.

პარლამენტის იურიდიულ საკითხთა კომიტეტის სხდომაზე „უცხოური გავლენის გამჭვირვალობის შესახებ“ კანონპროექტის განხილვა ფიზიკურ დაპირისპირებაში გადაიზარდა. ალეკო ელისაშვილმა მამუკა მდინარაძეს სიტყვით გამოსვ.ლისას ფიზიკური შეურაცხყოფა მიაყენა