ფოთში სტიქიის შედეგად დაზიანებულია 33 საცხოვრებელი კორპუსი და 121 სახლი, მოსახლეობის ნაწილს ელექტროენერგია არ მიეწოდებოდა
ფოთში კვლავ ძლიერი ქარია. შედეგად, წაქცეულია ხეები, დაზიანებულია ელექტროგადამცემი ბოძები, დაზიანდა ქალაქის მთავარი ნაძვის ხე. მოსახლეობის ნაწილს არ მიეწოდებოდა ელექტროენერგია. მერიის სამსახურები და „ენერგო-პრო ჯორჯიას“ ტექნიკური ბრიგადები აღდგენით სამუშაოებს აწარმოებენ. მათი ინფორმაციით, აბონენტებს ელექტროენერგიის მიწოდება ეტაპობრივად აღუდგებათ.
სტიქიისგან მიყენებული ზარალის ზუსტი ოდენობა უცნობია. მას სპეციალური კომისია დაადგენს.
როგორც ფოთის მერმა, ბექა ვაჭარაძემ ჟურნალისტებს განუცხადა, პირველადი მონაცემებით, ძლიერი ქარის შედეგად დაზიანებულია 33 კორპუსი, 121 სახლი, ოთხი სკოლა და სამი საბავშვო ბაღი.
მისივე თქმით, მნიშვნელოვნად დაზიანდა სკვერები, მინიმოედნები, ტროტუარები, ელექტროგადამცემი სადენები და ბოძები, საახალწლო განათებები, მოგლეჯილია ათეულობით მრავალწლოვანი ხე.
,,მთელი ღამის განმავლობაში ქალაქის სხვადასხვა უბანში მიმდინარეობდა გზების გაწმენდითი სამუშაოები. ასევე გატარებულია უსაფრთხოებისთვის საჭირო ყველა ზომა. ამ დროისთვის ქალაქში სრულად აღდგენილია ბუნებრივი აირის მიწოდება. ელექტროენერგია და წყალი არ მიეწოდება ქალაქის გარკვეულ უბნებს. შესაბამისი უწყების ჯგუფები უწყვეტად აგრძელებენ აღდგენით სამუშაოებს. მერიაში შექმნილი მობილური ჯგუფები მუნიციპალიტეტის მასშტაბით აგრძელებენ მონიტორინგს. ყველა შემოსულ შეტყობინებაზე შესაბამისი სამსახურების მიერ, მეტეოროლოგიური პირობების შესაბამისად, ხორციელდება მყისიერი რეაგირება. ფოთის მერიაში შექმნილი საგანგებო შტაბი 24-საათიან რეჟიმში აგრძელებს მუშაობას,“- აღნიშნა ფოთის მერმა, ბექა ვაჭარაძემ.
ჰიდროგრაფიული სამსახურის სინოპტიკური სამმართველოს ცნობით, გაძლიერებულია აღმოსავლეთის ქარი, სანაპირო ზოლზე საშტორმო მდგომარეობაა გამოცხადებული.
ფოთის მუნიციპალიტეტი, მეოთხე დღეა, სტიქიას ებრძვის.
ასევე დაგაინტერესებთ:
1715964810
საზოგადოებაგორის გვირაბში ავტოტრანსპორტის მოძრაობის სპეციალური რეჟიმი დაწესდება
საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, საერთაშორისო მნიშვნელობის თბილისი–სენაკი–ლესელიძის საავტომობილო გზის 88-ე კმ-ზე მდებარ...
1715963062
ახალი ამბებიროგორია სლოვაკეთის პრემიერის ჯანმრთელობის მდგომარეობა, რომელსაც ოპერაცია მეორედ ჩაუტარდა
სლოვაკეთის პრემიერ-მინისტრს რობერტ ფიცოს ოპერაცია მეორედ ჩაუტარდა. ის კვლავ მძიმე მდგომარეობაშია. ამის შესახებ ქალაქ ბანსკა-ბისტრიცას საავადმყოფოს დირექტორმა და სლოვაკეთის თავდაცვის მინისტრმა ბრიფინგზ...
1715958874
ახალი ამბები„ვთავაზობ აქციებში მონაწილე ახალგაზრდებს, გამოყონ ათამდე წარმომადგენელი, რომელთანაც გავმართავ საჯარო დისკუსიას გამჭვირვალობის შესახებ კანონის გარშემო“ - ირაკლი კობახიძე
„ემოციები უმეტესწილად ჩაცხრა. ბევრმა ადამიანმა, რომელიც მანამდე სხვაგვარად ფიქრობდა, უკვე გაიაზრა, რომ გამჭვირვალობის შესახებ კანონი, სინამდვილეში, სულაც არ არის რუსული. გარე შანტაჟის მიუხედავად, ბევრ...
1715957851
ახალი ამბებითბილისში, ოპოზიციის მიტინგზე გამომსვლელი ესტონელი მარგუს ცაჰკნა: ჰომოფობიასთან ბრძოლის საერთაშორისო დღეს, ჩვენ აღვმართავთ ცისარტყელას დროშას
ჰომოფობიასთან ბრძოლის საერთაშორისო დღეს ჩვენ აღვმართავთ ცისარტყელას დროშას და კიდევ ერთხელ ვადასტურებთ ჩვენს ვალდებულებას, უზრუნველვყოთ, რომ ყველას შეეძლოს იცხოვროს შიშისა და ძალადობის გარეშე - ამის შ...
1715955738
ახალი ამბებივალუტის კურსი
საქართველოს ეროვნულმა ბანკმა ვალუტის ახალი კურსი დაადგინა. 18 მაისისთვის ერთი ამერიკული დოლარი 2.7585 ლარი ეღირება. კურსი, რომელიც დღეს მოქმედებდა, 2.7596 ლარი იყო. გაუფასურდა ევრო, რომლის კურსი 2.99...