მიხეილ სააკაშვილს წერილი შარლ მიშელმა და ურსულა ფონ დერ ლაიენმა გამოუგზავნეს

ევროპული საბჭოს პრეზიდენტმა და ევროკომისიის პრეზიდენტმა საქართველოს მესამე პრეზიდენტს მწერილი გამოუგზავნეს.

ინფორმაცია მედიას მიხეილ სააკაშვილის ადვოკატმა, გიორგი მშვენიერაძემ მიაწოდა.

მშვენიერაძის თქმით, წერილში საუბარია სააკაშვილის ჯანმრთელობის მდგომარეობაზე და საქართველოს ხელისუფლებისთვის ადამიანის უფლებათა ევროპული კონვენციით დამტკიცებული ვალდებულებების შეხსენებაზე.

„მიხეილ სააკაშვილს გადავეცი წერილი, რომელიც მას გუშინ გადმოუგზავნეს შარლ მიშელისა და ურსულა ფონ დერ ლაიენის კაბინეტიდან. აღნიშნულ წერილში განსაკუთრებულ ყურადღებას გამოხატავენ მისი ჯანმრთელობის მდგომარეობის და საქართველოს ხელისუფლებას მკაცრად შეახსენებენ ვალდებულებებს, რომელიც ადამიანის უფლებათა ევროპული კონვენციით არის დამტკიცებული.

ამავდროულად ისინი გააგრძელებენ დაკვირვებას მიმდინარე პროცესებზე, მათ შორის, საუბარია სამართლიანი სასამართლოს განსაკუთრებულ მნიშვნელობაზე და აღნიშნავენ, რომ სამართლიანი სასამართლოს უფლების განხორციელება არის ასოცირების ხელშეკრულებით აღებული ვალდებულება, რომელიც საქართველომ უნდა შეასრულოს. ეს წერილი გუშინ გადმომეგზავნა კარლ ჰარცელის სახელით როგორც სააკაშვილის ადვოკატს"- აცხადებს მშვენიერაძემ.

ასევე საინტერესოა:

🔵 ლარი გამყარდა - ვალუტის კურსი

🔵 „ნაცმოძრაობა“ და გახარიას პარტია ერთმანეთთან კოალიციაში არიან“ - „ქართული ოცნების“ თავმჯდომარე

🔵 "დარჩა ვინმე, ვისაც გახარიასა და "ნაცმოძრაობის" კოალიციის არ სჯერა?" - ანალიტიკოსი