“რა გითხრათ ბატონო პრეზიდენტო? თქვენ დედა გყავდათ?” - მარი ნანა მახარაძე

9 აპრილის სიმბოლოდ ქცეული, გოგონა იური მეჩითოვის ცნობილი ფოტოდან, მარი ნანა მახარაძე, ვლადიმერ პუტინის მისამართით, ღია წერილს აქვეყნებს, რომელიც რუსეთის კიდევ ერთ ბოროტებას, ფედერაციის პრეზიდენტის მხრიდან დონეცკისა და ლუგანსკის ოლქების დამოუკიდებელ სახელწიფოებად აღიარებას ეხება:

"რა გითხრათ ბატონო პრეზიდენტო ?
 -,,აუცილებლად მიმაჩნია, დიდხანს მომწიფებული გადაწყვეტილება მივიღო: დაუყოვნებლივ ვაღიარო დონეცკის სახალხო რესპუბლიკის და ლუგანსკის სახალხო რესპუბლიკის დამოუკიდებლობა და სუვერენიტეტი.
ვთხოვ რუსეთის ფედერაციის ფედერალურ კრებას, მხარი დაუჭიროს ამ გადაყწვეტილებას და ორივე „რესპუბლიკასთან“ მეგობრობასა და ურთიერთდახმარებაზე შეთანხმებების რატიფიცირებას”, – განაცხადა პუტინმა...

რა გითხრათ ბატონო პრეზიდენტო?თქვენ დედა გყავდათ? იცით რა არის სიყვარული? ოდესმე  შეგშინებიათ საკუთარი შვილის სიცოცხლის გამო?ალბათ არასოდეს გექნებათ იმის ბედნიერება,დადგეთ საკუთარი ქვეყნის  დასაცავად დაღუპული გმირების დედების გვერდით, ვერ გაბედავთ,რადგან მუდმივი ოკუპანტი ხართ. ვერასოდეს იგრძნობთ იმ სიამაყეს, რასაც თვალებჩამქრალი მამები გრძნობენ, საკუთარი შვილების ,,გმირთა მემორიალთან,,.ვერასოდეს გაიგებთ რიგითი ჯარისკაცის ყველაზე სანუკვარ ნატვრას- იყოს მშვიდობა...რა გითხრათ ბატონო პრეზიდენტო,როცა ჩემი ქვეყნის 20% ოკუპირებულია და ყოველ დღე ნაბიჯ-ნაბიჯ მაგლიჯავ მიწას. იმ მიწაში კი ჩემი ქვეყნის იმდენი გმირი წევს,ერთხელაც გაიხსნება და შიგ ჩაგიტანთ...არ გენატრებათ მშვიდობა?ვერ გაიზარდეთ დიდი ბიჭი? ისევ ომობანას თამაშობთ? არც ევროპის და ამერიკის ,,შეშფოთება,, გაწუხებთ ალბათ...არც მამაზეციერის გერიდებათ,რადგან ის,საკუთარი თავი გგონიათ...მაშინ ყველაზე ტრივიალურ რამეს გეტყვით: ყველაფერს ააქვს დასასრული , და ადრე თუ გვიან საბედნიეროდ ეს თქვენთვისაც  მოხდება.ჩემი მხარდაჭერა უკრაინას და უკრაინელ ხალხს!"#რუსეთიოკუპანტია