რესპუბლიკურ საავადმყოფოში გარდაცვლილი ფეხბურთელის ოჯახი ალტერნატიული ექსპერტიზის დასკვნას ასაჯაროებს

რესპუბლიკურ საავადმყოფოში გარდაცვლილი ფეხბურთელის, 20 წლის ვახტანგ ჩარკვიანის საქმეზე გარდაცვლილის ოჯახმა ალტერნატიული ექსპერტიზის დასკვნა მიიღო.

როგორც „ინტერპრესნიუსს“ ფეხბურთელის მამამ, გაიოზ ჩარკვიანმა განუცხადა, ექსპერტიზის შედეგები ოჯახისთვის ოფიციალურად 17 იანვარს გახდა ცნობილი.

დასკვნაში, რომელსაც გრიგოლ რობაქიძის უნივერსიტეტის, პროფესორი, სამართლის დოქტორი, ექსპერტი გია დეკანოზიშვილი აწერს ხელს, აღნიშნულია ვერც ერთი ნარკოდამოკიდებული და ჯანმრთელი ორგანიზმი, პრეპარატების იმ დოზირებით მიღებას ვერ გაუძლებდა, რა დოზითაც ვახტანგ ჩარკვიანს რესპუბლიკურ საავადმყოფოში გაუკეთეს.

ექსპერტი მიიჩნევს, რომ პრეპარატები, რომელიც ფეხბურთელს დიდი დოზით გაუკეთდა, სასუნთქ გზებზე გართულებებს, სუნთქვის ცენტრის დათრგუნვას, კომას და ბიოლოგიურ სიკვდილს გამოიწვევდა.

„სამწუხაროდ, ვერ შევდივარ სამედიცინო სფეროში და არ მაქვს უფლება, ვიმსჯელო ექიმ ნარკოლოგის პოზიციიდან, თუ რა გართულებები შეიძლება მოჰყვეს ზემოთ განხილული პრეპარატების გამოყენების დოზებს და ამ პრეპარატების ერთმანეთთან კომბინირებულ ურთიერთქმედებებს, რომელიც გამოყენებული იქნა როგორც დანიშნულება შპს „აკად. ნ.ყიფშიძის სახელობის ცენტრალური საუნივერსიტეტო კლინიკის“ (რესპუბლიკური საავადმყოფო) პაციენტის ვახტანგ ჩარკვიანის სტაციონარული სამედიცინო დოკუმენტაციაში არსებულ ჩანაწერებში და მიმდინარე დანიშნულებებში, მაგრამ როგორც კრიმინალისტი, შემიძლია ვთქვა, რომ მკურნალობის მიზნით, დიდი რაოდენობით ფენტანილის და მიდაზოლამის გამოყენება თან პროპოფოლთან ჰაროპერიდოლთან მიმაჩნია ზედოზირებად, რასაც შეეძლო გამოეწვია გართულებები სასუნთქ გზებზე.

მაგალითად, 31.08.21 გამოყენებულია 40 მლ ფენტანილი - 20 ამპულა, 20 მლ - 10 ამპულა, 12 მლ - 6 ამპულა და მიდაზოლამი 9მლ - 6 ამპულა, 15 მლ - 5 ამპულა, დღის განმავლობაში ამას თუ დაემატება სხვა სედასტიური პრეპარატები, უკვე სიცოცხლისთვის სახიფათო დოზად მიმაჩნია.

01.09.21. გამოყენებულია 40 მლ ფენტანილი - 20 ამპულა და მიდოზალმი - 9მლ-3 მპულა, დღის განმავლობაში 4-ჯერ, ამას თუ დაემატება სხვა, სედასტიური პრეპარატები, სიცოცხლისთვის სახიფათო დოზად მიმაჩნია.

ასევე, 03.09.21. გამოყენებულია 40 მლ ფენტანილი - 20 ამპულა და მიდაზოლამი - 15 მლ - 5 ამპულა. ამას თუ დაემატება სხვა, სედასტიური პრეპარატები, სიცოცხლისთვის სახიფათო დოზად მიმაჩნია.

იგივე დოზებია გამოყენებული 04.09.21. ფენტანილი - 40 მლ - 20 ამპულა, ხოლო მიდაზოლამი - 21 მლ - 5 ამპულა.

05.09.21. ფენტანილი გამოყენებულია 30 მლ - 15 ამპულა, ხოლო მიდაზოლამი - 21 მლ - უკვე 7 - ამპულა, დღის განმავლობაში 2-ჯერ, 2:00 საათზე და 9:00 საათზე.

05.09.21 ფენტანილი გამოყენებულია 20 მლ - 10 ამპულა, ხოლო მიდაზოლამი - 30 მლ - უკვე 10 ამპულა, დღის განმავლობაში 2-ჯერ, 2:00 საათზე და 9:00 საათზე. ასე მიყოლებით, 07.09.21 წლიდან 10.09.21 წლამდე. მითუმეტეს იმისა, რომ აღნიშნული პრეპარატების გამოყენება დაწყებულია 19.08.21-წლიდან.

ჩემი, როგორც ექსპერტის მოსაზრებით, ვერც ერთი ნარკოდამოკიდებული და ნორმალური, ჯანმრთელი ორგანიზმი, აღნიშნული პრეპარატების ამ დოზირებით მიღებას ვერ გაუძლებდა, გამოიწვევდა სასუნთქ გზებზე გართულებებს, სუნთქვის ცენტრის დათრგუნვას, კომას და ბიოლოგიურ სიკვდილს“, - ნათქვამია ალტერნატიული ექსპერტიზის დასკვნაში.

ცნობისთვის, 20 წლის ფეხბურთელი ვახტანგ ჩარკვიანი 2021 წლის 10 სექტემბერს, „რესპუბლიკურ საავადმყოფოში“ გარდაიცვალა.

მას კორონავირუსი ჰქონდა.

გარდაცვლილი ფეხბურთელის მამა ადვოკატებთან ერთად 24 იანვარს, 12:00 საათზე, საქართველოს გენერალურ პროკურატურასთან აქციას გამართავს.

მასალის გამოყენების პირობები


მთავარი სიახლეები




სხვა სიახლეები

1711620000

ბიზნესი

ლარი დოლართან მიმართებით გაუფასურდა, ევროსთან - გამყარდა

27 მარტის ვაჭრობის შედეგად, ლარი აშშ დოლართან მიმართებით გაუფასურდა. კურსის ცვლილებამ 0.29 თეთრი შეადგინა, რის შემდეგაც დოლარის ოფიციალური ღირებულება 2,7084 ლარი გახდა. საქართველოს ეროვნული ბანკის ინფ...

ბიზნესი

1711616400

ახალი ამბები

ქუთაისის აეროპორტიდან ქალაქის ცენტრამდე ავტობუსები დაინიშნა

დღეიდან, 28 მარტიდან ქუთაისის საერთაშორისო აეროპორტიდან ქალაქის ცენტრამდე და პირიქით, მგზავრებს სამი ავტობუსი - SHUTTLE BUS მოემსახურება. საქართველოს აეროპორტების გაერთიანების ცნობით, შეისყიდეს ახალი,...

ზოგადი

1711612800

ახალი ამბები

საგამოძიებო სამსახურმა ე.წ. ქოლცენტრების საქმეზე ორი პირი დააკავა

საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული საგამოძიებო მოქმედებების შედეგად, ორგანიზებული ჯგუფის მიერ, დიდი ოდენობით სხვისი ქონების თაღლითურად დაუფლების ფაქტზე...

სს

1711609200

მსოფლიო

უცხოელ ექსპერტებთან დაკავშირებით ჩვენ ერთხელ უკვე ვენდეთ, მათ შორის ევროკავშირსაც, როდესაც მათი თხოვნით, მიხეილ სააკაშვილთან ჩამოვიდნენ პოლონელი ექსპერტები და წინდით გამოჰქონდათ მისი რაღაც ბიომასალა - შალვა პაპუაშვილი

უცხოელ ექსპერტებთან დაკავშირებით ჩვენ ერთხელ უკვე ვენდეთ მათ შორის ევროკავშირსაც, როდესაც მათი თხოვნით, მოწოდებით, მიხეილ სააკაშვილთან ჩამოვიდნენ პოლონელი ექსპერტები. ევროკავშირმა გაგვიცრუა იმედები, -...

საქართველო

1711605600

ჰოროსკოპი

რა გელოდება დღეს - 28 მარტის ასტროლოგიური პროგნოზი ზოდიაქოს ყველა ნიშნისთვის

ვერძი ეცადეთ, ფული უფრო რაციონალურად ხარჯოთ, განსაკუთრებით, თუ უახლოეს ხანებში სამედიცინო გამოკვლევის ჩატარებას გეგმავთ. რეკლამა ნუ მოგატყუებთ - შეძენამდე ნივთი ყურადღებით შეამოწმეთ, რათა იმედგაცრუებუ...

ჰოროსკოპი