"თანამშრომლობდა სუსთან, აწვდიდა ინფორმაციებს. სულ რაღაც 20 ათასი დოლარის სანაცვლოდ" - თბილისის საკრებულოს წევრი, დავით ფარცვანია, გახარიას პარტიიდან გარიცხეს

გახარიას პარტიის წევრი, თბილისის საკრებულოს დეპუტატი, დავით ფარცვანია, პარტიიდან გარიცხეს. ამის შესახენ ინფორმაცია ცნობილი პრტიის მიერ გამართულ საგანგებო ბრიფინგზე გახდა.

თბილისის საკრებულოს ფრაქცია ,,თბილისი საქართველოსთვის" თავმჯდომარის, ზაზა თავაძის, განმარტებით, აღნიშნული გადაწყვეტილება მიიღეს იმის გამო, რომ დავით ფარცვანია შემჩნეულ იქნა ხელისუფლებასა და უსაფრთხოების სამსახურთან ფარულ თანამშრომლობაში.

"დღეს პარტიის გადაწყვეტილებით სუსის და ,,ქართული ოცნების" მიერ მოსყიდული და გადაბირებული ჩვენი წევრი, დავით ფარცვანია, გარიცხულია პარტიის რიგებიდან.

ჩვენი ინფორმაციით, ,,ოცნების" მხრიდან სულ რაღაც 20 ათასი დოლარის სანაცვლოდ და მომავალში კარგ პოზიციაზე დასაქმების გამო პარტია ,,საქართველოსათვის" საკრებულოს წევრმა, დავით ფარცვანიამ, ფრაქცია  დატოვა.

ნიშანდობლივია, რომ ფარცვანია შემჩნეულია სუსთან და ხელისუფლებასთან სავარაუდო ფარულ თანამშრომლობაში, ინფორმაციისა და ჩანაწერების მიწოდებაში.

,,ოცნება" აგრძელებს აგრესიულ პოლიტიკას ჩვენი პარტიის წინააღმდეგ, მთელი საქართველოს მასშტაბით, მათ შორის, მუნიციპალიტეტებში - განაცხადა ზაზა თავაძემ.

ასევე დაგაინტერესებთ:

🔵გადარდაცვლილი ხანუმ ჯეირანოვის შვილებს სახელმწიფო 100 ათას ლარიან კომპენსაციას გადაუხდის

🔵 “არავისთვის მითქვამს, ზოგჯერ, საქართველოსთვის ვტირი” - ექსკლუზიური ინტერვიუ ლადოსთან (ინეზა კემულარია)

🔵"თურმე საერთაშორისო სახელის შეცვლას რომ ვაპირებთ, იცოდით? ახლა თავიდან უნდა გავეცნოთ და ავუხსნათ, რომ კარტველა ხალხი ვართ" - რას წერს ნათია ფანჯიკიძე