TBC Capital -"თბილისში, ერთ წელში, ბინის ქირა 125%-ით, გასაყიდი ფასი კი 30%-ით გაიზარდა"

TBC Capital-ის ყოველთვიური მიმოხილვის თანახმად, თბილისში, თებერვალში, გასული წლის ანალოგიურ პერიოდთან შედარებით, გასაქირავებელი ბინის ფასი 125%-ით გაიზარდა და 1 კვ.მ-ს საშუალო ღირებულება 13.1 დოლარი იყო.
თებერვალში წლიურად 30%-ით გაიზარდა ბინის გასაყიდი ფასი და კვ.მ-ზე საშუალოდ 1 136 დოლარი შეადგინა.
„2023 წლის თებერვალში თბილისში სულ 3 383 ბინა გაიყიდა. გაყიდული ბინების რაოდენობამ იანვრის მაჩვენებელს 19%-ით გადააჭარბა, ხოლო წლიურ ჭრილში ზრდა 12% იყო. საშუალო გასაყიდმა ფასმა ზრდა განაგრძო და 1 136$-ს გაუტოლდა (+3% თ/თ, +30% წ/წ). გაყიდვების რაოდენობის და გასაყიდი ფასის ზრდის ფონზე ბაზრის ზომა წლიურად 48%-ით გაიზარდა (+24% თ/თ) და 261$ მილიონი შეადგინა“, - აღნიშნულია TBC Capital-ის მიერ მომზადებულ თბილისის საცხოვრებელი უძრავი ქონების ყოველთვიურ მიმოხილვაში.
აღსანიშნავია, რომ 2023 წლის თებერვალში 746 ახალი ბინა გაიყიდა რაც 2022 წლის თებერვალთან შედარებით 5%-ით მეტია.
„ზრდა წინა თვესთან შედარებით გაცილებით უფრო საგრძნობი აღმოჩნდა (+36%). რაც შეეხება ძველი ბინების გაყიდვას, წლიური ზრდა 14%-ს გაუტოლდა, ხოლო წინა თვესთან შედარებით 15%-იანი მატება დაფიქსირდა. შედეგად, 2023 წლის თებერვალში ახალი ბინების წილი მთლიან ტრანზაქციებში 22%-მდე გაიზარდა“, - აღნიშნულია ყოველთვიურ მიმოხილვაში.
TBC Capital-ის მონაცემებით, თებერვალში გაყიდული ბინების 72% 75 კვ.მ-ზე ნაკლები ფართობის იყო. მთლიან გაყიდვებში ყველაზე დიდი წილი კვლავ (41%) 50-დან 75 კვ.მ-მდე ფართობის ბინებს უკავია. გაყიდული ბინების დაახლოებით 6% აღემატება 125 კვ.მ-ს.
მიმოხილვის თანახმად, იანვრის მსგავსად, 2023 წლის თებერვალში, მაღალფასიანი ბინების გაყიდვები წინა წლის შესაბამის პერიოდთან შედარებით, საგრძნობლად გაიზარდა.
გაყიდული ბინების რაოდენობის მიხედვით თბილისის უბნებს შორის დიდი დიღომი ლიდერობდა, რომელმაც პირველად, 2021 წლის აპრილის შემდეგ, გადაასწრო საბურთალოს.
„დიდი დიღომი ასევე გამოირჩევა ახალი ბინების გაყიდვების ყველაზე მაღალი დონით (222 ბინა), წინა წელთან 8%-იანი ზრდით. საბურთალოზე კი ახალი ბინების გაყიდვების რაოდენობა წლიურ ჭრილში 33%-ით შემცირდა.
2023 წლის თებერვალში წინა წელთან შედარებით ახალი ბინების გაყიდვების ყველაზე მაღალი ზრდა დაფიქსირდა ნაძალადევში (+250%), დიდუბეში (+64%) და გლდანში (+37%)“, - აღნიშნულია ყოველთვიურ მიმოხილვაში.
TBC Capital-ის მონაცემებით, მთაწმინდასა და ვაკეში კვლავ ყველაზე მაღალი გასაყიდი ფასები დაფიქსირდა (>1,800$). მიმოხილვის თანახმად, თებერვალში, წინა წლის ანალოგიურ პერიოდთან შედარებით, ყველა უბანში ფასის მნიშვნელოვანი ზრდა შეინიშნება როგორც ძველი, ასევე ახალი ბინების შემთხვევაში.
1700856686
საინტერესო ამბებიალ ბანოს უმცროსი ქალიშვილი, ქართულ "ცეკვავენ ვარსკვლავებს" შეუერთდა
"ტელეიმედზე" "ცეკვავენ ვარსკვლავების" ახალ სეზონში იტალიელი გოგონა გამოჩნდა - მომღერალი ჯასმინ ქარიზი, რომელიც არც მეტი, არც ნაკლები, ცნობილი ალ ბანოს ქალიშვილია - ექვსი შვილიდან ერთ-ერთი. გოგონა ალ ბ...
1700847959
ემიგრაციაანსამბლმა „ივერიელები“ პირეას თეატრში გამართულ ღონისძიებაში მიიღო მონაწილეობა
საქართველოს საგარეო საქმეთა სამინისტროს დიასპორასთან ურთიერთობის დეპარტამენტის ინფორმაციით, ოქტომბერში, საბერძნეთის რესპუბლიკაში, პირეას ისტორიულ თეატრში გაიმართა „Ηγέχορ“ საიუბილეო საღამო, რომელშიც ს...
1700847575
ემიგრაციანიუ-ჯერსიში ღონისძიება - „აფხაზეთი საქართველოა“ ჩატარდა
1 ოქტომბერს, პირველად ამერიკაში, ნიუ-ჯერსის შოთა რუსთველის სახელობის ქართული კულტურის ცენტრისინიციატივით, ჩატარდა ღონისძიება სახელწოდებით „აფხაზეთი საქართველოა“. ღონისძიებაზე გაიხსენეს დაპატივი მიაგეს...
1700837199
საქართველო26 ნოემბერს საბავშვო ევროვიზიის კონკურსი გაიმართება. ხმის მიცემა შესაძლებელია ელექტრონული ფორმით, 24 ნოემბერს, იტალიის დროით 20:00 საათიდან!
26 ნოემბერს გაიმართება 2023 წლის საბავშვო ევროვიზიის კონკურსი. წელს, საქართველოს ევროფესტივალზე პირველი არხის პროექტ „რანინას“ გამარჯვებული, ანასტასია ვასაძე და მისი ფინალისტები, ნიკოლოზ ხარატი და ოთო...
1700652744
ბიზნესისაქართველოში საცხოვრებლად საკმარისი ხელფასი 1706.50 ლარს შეადგენს
Wage Indicator Foundation-მა გასული წლის მონაცემებზე დაყრდნობით, გამოთვალა საქართველოში საცხოვრებლად საკმარისი ხელფასი და ის 1706.50 ლარს შეადგენს. ამის შესახებ ინფორმაციას ორგანიზაცია „ღირსეული შრომი...