ემიგრაციაში უსაშინლესი პრობლემაა ე.წ. დამსაქმებლის ინსტიტუტი, ისინი თაღლითურად, თვეში რამდენჯერმე ყიდიან სამსახურს - ანა ბურდული
ანა ბურდულს, ჩვენი მკითხველი კარგად იცნობს. ის ემიგრანტი გახლავთ და რამდენიმე წელია, რაც იტალიაში, კერძოდ, რეჯო კალაბრიაში ცხოვრობს.
ანა, ცდილობს კეთილი საქმით დაუპირისპირდეს ემიგრაციაში არსებულ მართლსაწინააღმდეგო ქმედებებს, რომელზე კონტროლიც, სამწუხაროდ არცერთი ოფიციალური, ადგილობრივი თუ ქართული უწყების მხრიდან, გარემოებების სპეციფიკურობიდან გამომდინარე არ/ვერ ხდება.
ნებას მიშვებული სოციალური კლასი, თვითნებური გადაწყვეტილებების საფუძველზე განსაზღვრავს ისეთ საკითხებს, რომელზედაც, ხშირად ადამიანის სიცოცხლეა დამოკიდებული.
გთავაზობთ, ანა ბურდულის წერილს, რომელიც მან რედაქციას მოაწოდა.
ანა ბურდული: ემიგრაციაში უსაშინლესი პრობლემაა დამსაქმებლის ინსტიტუტი, მაშინ, როდესაც ისინი თაღლითურად თვეში რამდენჯერმე ყიდიან სამსახურს ერთი თვის ხელფასის წართმევით დასაქმებულისთვის. ამას ემატება ბინაში ხანგრძლივად გამომწყვდევით, ქირის ფულის წაგლეჯვა და ეს ორი ერთიანად წელში წყვეტს, ჩვენს არალეგალ თუ ლეგალ ემიგრანტებს, ვინც ნებით თუ უნებლიეთ მათ ხელში ვარდება.
ეს პრობლემა არ არის მხოლოდ სამხრეთ იტალიის პრობლემა, სცდება მის საზღვარს და ჩრდილოეთით ამ ბიზნესს, ეგრეთ წოდებული ოფისები „აგენციები“ აწარმოებენ. ყალბი ხელშეკრულებებით ატყუებენ დასასაქმებელ პირს, ატყუებენ ხელფასის ოდენობას, დამსაქმებელს ართმევენ სრულ ხელფასს და ბევრად ნაკლებს უხდიან დასაქმებულს და ეს გრძელდება თვეების მანძილზე.
სამხრეთ იტალიაში, კალაბრიაში დავიწყე ვირტუალური ჯგუფის შემოკრება ზემოთ აღნიშნული პრობლემის გადასაწყვეტად. ჩვენ მეზობელი რეგიონებიდანაც გამოვიხსენით ემიგრანტები, ასეთი თაღლითური სქემიდან, სადაც დამსაქმებლის ტერორით ინფარქტამდე იყო მისული მათი ჯანმრთელობა.
ჯგუფის სამუშაო პროგრამა მარტივია. ჩვენ ვაძლევთ ერთ ვაკანსიას ემიგრანტს. თვითონ ეცნობა და ეწყობა სამუშაოზე უანგაროდ!!! და მას შემდეგ, ერთ ვაკანსიას თვითონ გვაწვდის, კიდევ ერთი ქართველის სასარგებლოდ ასევე უანგაროდ!!!
აღმოჩნდა, რომ იმუშავა ამ პროგრამამ. ერთს კი არა და იმდენს გვაწვდიან რაც ხელთ უვარდებათ!
ჯგუფს ჰქონდა პრობლემები. ხშირად გავხდით ასეთივე დამსაქმებლის სამიზნე და გაიტყუეს ვაკანსიები, მაგრამ სიკეთე ხომ ვიცით, თუ აიგორგლა, აზვავდება და მიდის თვითდინებით და მინდა ყველას კართან მიგორდეს ეს შუქიანი გორგალი, რომ თვალებიდან გამოიხედონ, ისედაც დარდით დამძიმებულმა გოგოებმა და ბიჭებმა და გზა გაეხსნათ სამუშაოზე შესასვლელად. მათ უკან ხომ ოჯახები დგანან...
მეგობრებო, ჩვენ დავიწყეთ და თქვენ გაგვაგრძელეთ...
ერთმანეთის მხარდამხარ თავადვე ვუშველოთ საკუთარ ემიგრანტულ გზას.
ასევე, როგორც სჩვევია სიკეთეს, კატალიზატორივითაა, თუ სადმე ჩაგრული და დამქირავებლისგან შრომით ტრეფიკინგში მყოფი თანამემამულე იპოვა, ყველას კართან თუ ვერა, ბევრთან მივიდა და უთხრა, არ ღირს, გამოდი და ჩაები ჩვენს ფერხულში, დაგაბინავებთ მშვიდ სახლში, დაგახმარებთ ტრანსპორტს, მოგიძებნით ახალ სამუშაოს და შემდეგ, შენ გაგვაგრძელე....
დიახ, სულ ეს იყო ამ დილას რაც მინდოდა მეხარებინა..
გაგვაგრძელეთ!
„კეთილმან სძლიოს სიკეთით“.
(ჯგუფი--"1+1 ვაკანსია უანგაროდ"
თქვენს გვერდითაა: ნინო, თიკა, თიკო, ნინა, სოფო, მაკა, ლალი, შორენა, ნატა, ნათი... ბევრნი ვართ...) - გვწერს ანა ბურდული.
აგრეთვე დაგაინტერესებთ:
📌 “ვუყურებდი უდანაშაულოთა ხოცვა-ჟლეტის სურათს და ვხვდებოდი რომ…” - ემიგრანტი იტალიიდან
1715678851
საზოგადოება„17 მაისს ჩვენ ოჯახის სიწმინდისთვის გამოვდივართ, მთელი საქართველო, დიდი და პატარა“ - მიტროპოლიტი სტეფანე
„17 მაისს ჩვენ ოჯახის სიწმინდისთვის გამოვდივართ, მთელი საქართველო, დიდი და პატარა, ვისაც კი შეუძლია, ყველა იქ უნდა ვიყოთ, თბილისში, რომ ეს ბოროტების მანქანა დავძლიოთ ჩვენი ერთსულოვნებით“, - ამის შესახ...
1715678541
საზოგადოებაპარლამენტში დეპუტატები ერთმანეთს ფიზიკურად დაუპირისპირდნენ
სიტყვიერი და ფიზიკური დაპირისპირება მოხდა საქართველოს პარლამენტის პლენარულ დარბაზში, სადაც დეპუტატები „უცხოური გავლენის გამჭვირვალობის შესახებ“ კანონს განიხილავენ. დაპირისპირება „ერთიანი ნაციონალური...
1715678464
ახალი ამბებიროდემდე გაგრძელდება საქართველოში გრილი და წვიმიანი ამინდები? - სინოპტიკოსების პროგნოზი
გარემოს ეროვნული სააგენტო 15-17 მაისს საქართველოში მოსალოდნელი ამინდის შესახებ ინფორმაციას ავრცელებს. სინოპტიკოსების პროგნოზით, 18 მაისამდე საქართველოში შენარჩუნებული იქნება გრილი და დროგამოშვებით ნა...
1715673606
ჰოროსკოპიმიმდინარე კვირის ასტროლოგიური პროგნოზი მიხეილ ცაგარელისგან - „პოზიტიური შანსები და შესაძლებლობები უდავოდ მოიმატებს“
13-19 მაისის ასტროლოგიური პროგნოზი ქვეყნის მთავარმა ასტროლოგმა მიხეილ ცაგარელმა საკუთარ იუთუბ არხზე გააკეთა. მისი თქმით, მიმდინარე კვირა წინაზე ბევრად უკეთესი იქნება, რადგან დედამიწა პოზიტიურ ენერგოვე...
1715668478
ახალი ამბებითბილისის ქუჩები, რომლებსაც 14 მაისს ელექტრომომარაგება დროებით შეეზღუდება
სხვადასხვა სამუშაოს ჩატარების გამო, 14 მაისს თბილისის ქუჩების ნაწილს ელექტრომომარაგება დროებით შეუწყდება. ამის შესახებ ინფორმაციას კომპანია „თელასი“ ავრცელებს. შეზღუდვა შეეხება შემდეგ ქუჩებს: ნაძალადე...