„გისურვებთ მშვიდობას და იმ მიმოფანტული ემიგრანტების დაბრუნებას, რომელთა ბეჭებზე დღეს საქართველო დგას და სუნთქავს“ - ემიგრანტი იტალიიდან

„პირობას ვდებ ემიგრაციიდან ჩამოსვლის შემდეგ კალანდას ტრადიციას ისევ აღვადგენ ჩემს ოჯახში. გილოცავთ და გისურვებთ მშვიდობას და იმ მიმოფანტული ემიგრანტების დაბრუნებას, რომელთა ბეჭებზე დღეს საქართველო დგას და სუნთქავს,“ - ემიგრანტი, იტალიაში მყოფი თამარ გულბანი კალანდობის ტრადიციას იხსენებს და სოციალურ ქსელში ემოციურ პოსტს აქვეყნებს. 

„ტრადიცუულ ოჯახში გავიზარდე, როგორც ყველა თქვენგანი საკალანდოდ ოჯახში ღორი იკვლებოდა, ჩემი სულმნათი მამა ახლობლებს დიდ-დიდ ხორცის ნაჭრებს ურიგებდა, ამ დღისთვის ჩვენს ოჯახში ტრადიციული სვანური - ზისხორა, გურული - კუპატი, აჭარული - ტოლმა და „ხალადეცი“ სავალდებულო კერძი იყო.

ამ ყველაფერს იმიტომ კი არ ვიხსენებ, რომ ჩემი ოჯახის კულინარიული მრავალფეროვნებით გავაკვირვო ვინმე, ეს ის ტრადიცია იყო, რომელიც ჩვენმა წინაპრებმა შემოგვთავაზეს და ჩვენც სიამოვნებით ვიზიარებდით.

მეგობრებო, ყველას გისურვებთ ტრადიციულ ოჯახს, ჭეშმარიტ და მართალ ოჯახის წევრებს, ჯანსაღ და ბედნიერ თაობებს, ხვავით და ბარაქით სავსე ჭერს, მადლით და სიყვარულით გაჯერებულ გარემოს, კეთილის მოსურნე, ერთგულ მეგობრებს და ჭირისუფალს, ქვეყნის და სამშობლოს მოყვარულ მთავრობას, მშვიდობას და იმ მიმოფანტული ემიგრანტების დაბრუნებას, რომელთა ბეჭებზე დღეს საქართველო დგას და სუნთქავს.

უფალმა ინებოს ჩვენი შვილებიც ისევე ადიდებდნენ წარსულ წინაპრებს, როგორც ჩვენ.  ნათელი და სანთელი მათ სულებს გისურვებთ ყველა თქვენგანს გაგეგრძელებინოთ ის ტრადიცია და ადათი, რომელიც უხდება და ალამაზებს ჩვენ გენეტიკას  თქვენ გაგიმარჯოთ ჩემო მოყვასო ხალხნო, კალანდობას და ძველით ახალ წელს გილოცავთ სიყვარულით. ვიცხოვროთ ტრადიციულად, ქართულად, სუფთად და სიყვარულით!

პირობას ვდებ ემიგრაციიდან ჩამოსვლის შემდეგ მე ამ ტრადიციას ისევ აღვადგენ ჩემს ოჯახში“, - წერს ემიგრანტი თამარ გულბანი ფეისბუკის საკუთარ გვერდზე.

ასევე საინტერესოა:

🔵 კალანდას სამზადისი გურიაში - რამდენიმე საათში ძველით ახალი წელი დადგება (ფოტო/ვიდეო)

🔵 ლოცვა ცოცხალთათვის - რომელიც ყველამ უნდა წაიკითხოთ

🔵 გაინტერესებთ რა ბედი დაგყვათ თქვენი დაბადების რიცხვის მიხედვით? - მიხეილ ცაგარელის განმარტება