იტალიაში მყოფი ემიგრანტის კულინარიული დიპლომატია - „ამ კერძებმა, ძალიან დიდი მისია შეასრულა“

ემიგრაციის ტალღამ ბევრი ქართველი ნიჭიერი ადამიანი „იმსხვერპლა“, ისეთები, რომელთა ცოდნა განათლება და გამოცდილება სამშობლოსაც წაადგებოდა.

სოციალური კრიზისს და მწვავე ეკონომიკურ პრობლემებს ადამიანის ინტელექტის გარჩევა არ შეუძლია და ყველანი ერთი ნიშანდობლივი გზით, ემიგრაციის რიგში დგებიან.

ჩვენს მკითხველს, იტალიაში მყოფ ქართველ ემიგრანტს ნათია ვაშალომიძეს წარვუდგენთ, რომელსაც, გარდა პირადი საკითხებისა, საქართველოს რეპუტაცია და იმიჯიც ადარდებს. ნათია ვაშალომიძე, წარმოშბით ოზურგეთიდან გახლავთ. ის უცხო ენა-დაწყებითების პედაგოგია და რამდენიმე წელია, რაც იტალიაში ცხოვრება და მუშაობა უწვეს.

„ცხოვრებაში, არაფერი გამიკეთებია მოდის გულისთვის. არც ეს კერძებია გამონაკლისი. არც, ამაყი და ამპარტავანი ვყოფილვარ, მაგრამ, თავმოყვარეობა კი, ყოველთვის მქონდა სულში და გულში გამჯდარი! ერთ-ერთ პოსტში ისიც აღვნიშნე რომ დედაჩემი, თავს ადანაშაულებდა, - ,,ჩემი ბრალია, არაფრის გაკეთება, შენ არ იციო" (კულინარიას გულისხმობდა), მაგრამ არაფერია შეუძლებელი ცხოვრებაში!

ძალიან ბევრი მწერს პირადში რომ, ტორტებში და კერძებში, თანხას გიხდიანო? არა!!! შემოუთავაზებიათ მაგრამ, ნამდვილად არ დამიწყია ეს ბიზნესი აქ!!! ადამიანთა კატეგორია იფიქრებს რომ, - ნეტავ შენ, გაკლია ალბათ, გაწყენდაო? არ მაწყენდა მაგრამ, როცა ოჯახის ახლობელი, მეზობელი, ოჯახის ექიმი, საავადმყოფოს პერსონალი მთხოვდა, უბრალოდ არ შემეძლო თანხის აღება!!!

ამ კერძებმა, ძალიან დიდი მისია შეასრულა. სალათების გარდა, ცხელ კერძებსაც ვუმზადებ ჩვენებურად და ძალიან მაგარ მოწონებასაც იმსახურებს!!! (ყოველ დღე, ყველანაირ კერძს ხომ არ დავდებ, მაგრამ ამათ, ასე ვთქვათ, ფუფუნებაში ვამყოფებ).

ხშირად მეუბნებიან ახლობლები, - როგორ რეჟიმში მუშაობ და ამ ყველაფერს, როგორ ახერხებო? დედაჩემის გენის ვარ მეთქი!!! დოდო, რაც არ უნდა გადაღლილი ყოფილიყო, გემრიელ კერძებთან ერთად, სუფრასაც თავისებურ ხიბლს მისცემდა. მე და ხათუნაც, ვაგრძელებთ ტრადიციებს!!!

როცა შევდიოდი სამსახურში, გული მწყდებოდა რომ, საქართველო არ იცოდნენ, ,,ჯორჯიას" რომ ვახსენებდი, მეტყოდნენ, ააა, ამერიკის ჯორჯიაო? სხვათა შორის, განათლებულ ოჯახებსაც დაუსმიათ ანალოგიური კითხვა. წნევის გასინჯვა და ნემსის გაკეთება ხომ, სასწაული ჰგონიათ!!! სტალინი, გაგიგონიაო? თევზს, ფქვილში ამოსვრა რომ სჭირდება, იციო? და, რამდენი ასეთი კითხვები ჩამოვთვალო... გულში, მწარედ მეტირებოდა...

საბოლოოდ, ჩემი განათლებაც დაინახეს!!! საქართველოს ისტორია კი არა, სხვა საკითხებთან ერთად, იტალია როგორ და როდის ჩამოყალიბდა, რა ბრძოლები გადაიტანა, რატომ ჰქონდათ ნაპოლეონის დროს ომები, რატომ ადარებდნენ ჰიტლერს და ა,შ. კერძებითაც და სუფრის გაწყობის კულტურითაც მივანიშნებდი რომ ჩვენ, ჯუნგლების ქვეყნიდან არ ვიყავით!!!

აგრეთვე დაგაინტერესებთ:

📌 „რამდენჯერმე, ჩემს გულში, რუსების შენდობაც ვცადე, მაგრამ ტკივილი არ შუშდება!“ - ირმა მაისურაძე

📌 “იტალიაში სხვის მოსამსახურეობაში რომ ამომხდა სული და ბინა ისე ვიყიდე, იმ სახლში ვერც უკრაინელ ლტოლვილებს შევუშვებ!” - ემიგრანტი იტალიიდან

📌 იტალიის პოლიცია, უკრაინის დახმარების მოტივით გახშირებული თაღლითობების გამო, მოსახლეობას სიფრთხილისკენ მოუწოდებს

📌 5 წლის უკრაინელი გოგონას სიცოცხლე, რომელიც იტალიაში, რამდენიმე დღის უკან ჩავიდა, ავტოსაგზაო შემთხვევას ემსხვერპლა

📌 იტალიამ, 55 ათასზე მეტი ლტოლვილი შეიფარა. სავარაუდოდ მათი რიცხვი კვლავ გაიზრდება