ნიუ-ჯერსიში ღონისძიება - „აფხაზეთი საქართველოა“ ჩატარდა

1 ოქტომბერს, პირველად ამერიკაში, ნიუ-ჯერსის შოთა რუსთველის სახელობის ქართული კულტურის ცენტრის
ინიციატივით, ჩატარდა ღონისძიება სახელწოდებით „აფხაზეთი საქართველოა“.

ღონისძიებაზე გაიხსენეს და
პატივი მიაგეს საქართველოს ერთიანობისთვის ბრძოლაში დაღუპულთა ხსოვნას.

მაყურებლის წინაშე წარდგნენ აშშ-ში მოქმედი ქართული სიმღერისა და ცეკვის ანსამბლები: შოთა რუსთველის
სახელობის ქართული კულტურის ცენტრთან არსებული ანსამბლი „საქართველო“, ანსამბლი „ზეკარი“, ანსამბლი
„დაკარგული ლეგენდები“, Irina Dance Academy, ანსამბლი „ელვა“, აშშ-ში ქართული კულტურის ცენტრთან Dancing Crane Company არსებული ბავშვთა ვოკალური ანსამბლი „იბერია“, ასევე, ლას-ვეგასის ქართული ცენტრის ხელმძღვანელი, მომღერალი ირაკლი რუსია და მომღერალი სოფო ალანია, ამერიკაში მოღვაწე ქართველი პიანისტი და კომპოზიტორი ირაკლი შარაძე, მომღერალი ლიზა ყენია, ამერიკაში მცხოვრები ქართველი პიანისტი ლევან შენგელია, მომღერალი გიორგი შალვაშვილი, ამერიკაში მოღვაწე კინოსა და თეატრის მსახიობი დონარა გვრიტიშვილი, ამერიკაში მოღვაწე ქართველი პიანისტი სანდრო გეგეჭკორი და სხვები.
ღონისძიებას უძღვებოდნენ ლელა ნინუა და გიორგი გასვიანი, რომელიც სპეციალურად ამ ღონისძიებისთვის
ესტუმრა ნიუ- ჯერსის.

დამსწრე საზოგადოებას სიტყვით მიმართა ქ. ნიუ-იორკში საქართველოს გენერალურმა კონსულმა, მაია ბართაიამ.
ღონისძიებას ესწრებოდნენ აშშ-ში ქართული დიასპორის წარმომადგენლები და უცხოელი სტუმრები.

წყარო: საქართველოს საგარეო საქმეთა სამინისტროს დიასპორასთან ურთიერთობის დეპარტამენტი