„უნდა მოეგოს გონს ჩვენი ქვეყანა. შეინარჩუნოს და გადაარჩინოს ახალი თაობები, იმიტომ რომ ის თაობა, რომელმაც ემიგრაციაში 20 წლის წინ დაიწყო წამოსვლა, დაკარგულია“ - ემიგრანტი ჟურნალისტი იტალიიდან

იტალიაში გაუჩინარებულ 27 წლის ქართველ გოგოზე, ემიგრაციაში მყოფი ჟურნალისტი, სააგენტო „exclusivetv.ge“ იტალიის ბიუროს ხელმძღვანელი, ნინა მამუკაძე ემოციურ პოსტს აქვეყნებს:

„მეორე დღეა, ცუდად ვარ! რასაც არ უნდა ვაკეთებდე, სხვაზე ვერაფერზე ვფიქრობ. გული მიტირისო, ალბათ ეს ეპითეტი გამოხატავს ჩემს მდგომარეობას.

მესამე დღეა 27 წლის ქართველ გოგოს ეძებენ ნეაპოლში. კიდევ რამდენიმე ფაქტის შესახებ გავიგე, მაგრამ ჯერ დუმილი სჯობს. ვინ იცის ახლა სად არის, როგორ სცივა, როგორ შია, როგორ ეშინია...

მესამე დღეა ვეხვეწები ღმერთს და სამყაროს, რომ ცოცხალი გამოჩნდეს. ასე არ უნდა იკარგებოდნენ ადამიანები!

ასე არ უნდა იკარგებოდნენ ქართველი ახალგაზრდები უცხო მიწაზე!

ასე არ უნდა კარგავდეს ადამიანებს საქართველო.

უნდა მოეგოს გონს ჩვენი ქვეყანა. შეინარჩუნოს და გადაარჩინოს ახალი თაობები, იმიტომ რომ ის თაობა, რომელმაც ემიგრაციაში 20 წლის წინ დაიწყო წამოსვლა, დაკარგულია.

ალბათ, იმ გოგოს ადგილას ჩემი თავი წარმოვიდგინე და იმიტომ ვარ ასე ცუდად...

იტალიაში ახალჩამოსული ალბათ, რამდენ ხიფათს გადავურჩი, არ ვიცი იღბლის, თუ ჩემი სიფრთხილის გამო.

გოგონებო, გულით გთხოვთ, ძალიან ფრთხილად იყოთ, იოლად ნუ ენდობით ნურავის, ნურც ქართველს და მით უმეტეს ნურც უცხოელს!

ჯერ საკუთარ მიწაზე როგორი დაუცველები ვართ და ახლა უცხო ქვეყანაში და მით უმეტეს ისეთ ქალაქში, როგორიც ნეაპოლია. ორი დღეა მექანიკურად ვაკეთებ რაღაცებს, ყველაფრის უნარი მაქვს წართმეული

ღმერთო, ცოცხალი გამოჩნდებოდეს“, - წერს ჟურნალისტი ნინა მამუკაძე.

ცნობისთვის, იტალიაში, ნეაპოლში გაუჩინარებულ ქართველ გოგოს მესამე დღეა ეძებენ. 27 წლის სალომე ტეტუნაშვილი, სახლიდან გუშინწინ გავიდა და მას შემდეგ არავის უნახავს. გავრცელებული ინფორმაციით, ტეტუნაშვილი ნეაპოლში მოხუცი ქალბატონის დამხმარედ მუშაობდა. თავად ტეტუნაშვილის ოჯახის წევრებიც ნაპოლში ცხოვრობენ. სავარაუდოდ, ძიების პროცესში უკვე სამართალდამცავი სტრუქტურაც ჩაერთო.

დღის სხვა ამბები:

🔵 ახალი დეტალები იტალიაში, გაუჩინარებული ქართველი გოგოს შესახებ

🔵 „აბა ვისაც დაზაფრული ყოფნა არ სურს მოჯგუფდით, ცოტა იმედიან ამბავს გეტყვით“, - რას წერს დათო ლიკლიკაძე

🔵 საქართველო ცნობილ ქართველ მშვილდოსანს, ოლიმპიურ ჩემპიონს ქეთევან ლოსაბერიძეს ემშვიდობება