ქართველი ემიგრანტი ბერძნული მასტერ შეფის მეორე ტურში გადავიდა ( ვიდეო)

ბერძნულ ტელე ეკრანზე ქართველი ემიგრანტი, თამრიკო იგივე თამარ ღამბარაშვილი გამოჩნდა.  

თამრიკო ღამბარაშვილი ტელეკომპანია სტარის გადაცემა " მასტერ შეფში" იღებს მონაწილეობას. 

მან „მასტერ შეფის“ შესარჩევ ტურზე, ჟიურის ხინკალი მოუმზადა, რის შედეგადაც წინსაფარი დაიმსახურა და შემდეგ ტურში გადავიდა. 

გადაცემაში ქალბატონმა თამარმა საკუთარ ცხოვრებაზეც ისაუბრა, რა დროსაც ცრემლების შეკავება ვერ შეძლო.  

როგორც მან ჟიურის უამბო, საბერძნეთში, სრულიად მარტო, ჯერ  კიდევ 16 წლის წინ ჩამოვიდა და მას შემდეგ საკუთარ მიწაზე ფეხი არ დაუდგამს.  საქართველოში მას ჰყავს 3 შვილი და სამი შვილიშვილი. საქართველოდან წამოსვლის გადაწყვეტილება ბავშვებისთვის უკეთესი მომავლის შესაქმნელად მიიღო. მაშინ საკუთარი სამი შვილი დედამთილს მიაბარა, რომელიც ცოტა ხნის წინ გარდაიცვალა და როგორც თავად აღნიშნავს მისი შვილებისთვის ის დედაც და ბებიაც იყო. 

„ასე გაიზარდნენ ჩემი შვილები ჩემს გარეშე. დროის უკან დაბრუნება, რომ შემეძლოს ალბათ არ წამოვიდოდი, რადგან ძალიან ბევრი დრო დავკარგე მათ გარეშე, ზუსტად იმის თქმაც არ შემიძლია ღირდა  თუ არა ეს ამად ?!"- ამბობს თამრიკო ღამბარაშვილი.

თამარ ღამბარაშვილი ბერძნული „მასტერ შეფის“ შემდეგ ტურში ჟიურის მხრიდან მიღებული ორი "კი"- ს შედეგად გადავიდა. მიღწეული წარმატების შესახებ მან პირველ რიგში დედას შეატყობინა. 

ასევე საინტერესოა

🔴15 მეხანძრე - მაშველი ცდილობს თამბაქოს საწყობში გაჩენილი ხანძრის ლიკვიდაციას საბერძნეთში (ფოტო/ვიდეო)

🔴საბერძნეთის ელჩმა დავით ზალკალიანს რწმუნებათა სიგელების ასლები გადასცა

🔴„მრცხვენია, რომ ეს კაცი მამაჩემია“ - 46 წლის ყოფილი ძიუდოისტის მიერ ნაცემი ცოლი, სიცოცხლის შენარჩუნებისთვის იბრძვის