საქართველოს საელჩო საბერძნეთში კუნძულ როდოსზე არსებულ ხანძრის კერებთან დაკავშირებით ინფორმაციას ავრცელებს

საქართველოს საელჩო საბერძნეთში კუნძულ როდოსზე არსებულ ხანძრის კერებთან დაკავშირებით ინფორმაციას ავრცელებს:

❗️❗️❗️ ძვირფასო თანამემამულეებო! 

კუნძულ როდოსზე არსებულ ხანძრის კერებთან დაკავშირებით გაცნობებთ შემდეგს:

საელჩოს მუდმივი კომუნიკაცია აქვს საბერძნეთის კლიმატური კრიზისებისა და მოქალაქეთა უსაფრთხოების სამინისტროსთან. 

მიღებული ინფორმაციის თანახმად, აღნიშნული ხანძრების არეალში არ იმყოფებიან საქართველოს მოქალაქეები. 

ამასთან, როგორც მოგეხსენებათ, საელჩოში 24 საათის განმავლობაში ფუნქციონერბს ცხელი ხაზი ( +306952220000), რომელზეც ამ დრომდე არ შემოსულა რაიმე შეტყობინება საქართველოს მოქალაქეების მხრიდან.

საელჩოს ცხელი ხაზი განთავსებულია როგორც საელჩოს, ისე საკონსულოს ვებ-გვერდებზე. 

ამასთან, საჭიროების შემთხვევაში მოგიწოდებთ, დაემორჩილოთ საბერძნეთის შესაბამისი უწყებების მიერ გავრცელებულ მითითებებს, მათ შორის, გამოცხადების შემთხვევაში ევაკუაციის მოთხოვნებს.

საელჩო თავის მხრივ საჭიროებისამებრ მოგაწვდით განახლებულ ინფორმაციას!

❗️❗️❗️ შეგახსენებთ, რომ უწყვეტ რეჟიმში მოქმედებს საელჩოს ცხელი ხაზი +306952220000.

❗️❗️❗️ აქვე მიგითითებთ შემდეგ ტელეფონის ნომრებს: საბერძნეთის პოლიცია - 100, სახანძრო სამსახური - 199, სასწრაფო დახმარება - 166.