საქართველოს საელჩო საბერძნეთში სამძიმრის წერილს აქვეყნებს

საქართველოს საელჩო საბერძნეთში, სამძიმრის წერილს აქვეყნებს, რომელსაც უცვლელად გთავაზობთ:

"საქართველოს საელჩო გამოხატავს ღრმა მწუხარებას საბერძნეთში, ლარისას ოლქში, ტემბიში 1 მარტს მომხდარი ტრაგიკული ავარიის გამო, რომლის შედეგად დაიღუპა 38 და დაშავდა არა ერთი ადამიანი.

საქართველოს საელჩო თანაუგრძნობს გარდაცვლილთა ოჯახებსა და ახლობლებს.

სწრაფ გამოჯანმრთელებას ვუსურვებთ დაშავებულებს.

Η Πρεσβεία της Γεωργίας στην Ελλάδα εκφράζει βαθιά συλλυπητήρια στους συγγενείς εκείνων που έχασαν τη ζωή τους στο τραγικό σιδηροδρομικό δυστύχημα στα Τέμπη σήμερα τα ξυμερώματα.
Ευχόμαστε ταχεία ανάρρωση στους τραυματίες.
Κουράγιο και δύναμη στα σωστικά συνεργεία που συνεχίζουν το δύσκολο έργο τους", - აღნიშნულია წერილში.

ცნობისთვის, ერთმანეთს სამგზავრო და სატვირთო მატარებლები შეეჯახნენ.

სამგზავრო მატარებელი ათენიდან თესალონიკში მიემგზავრებოდა, სატვირთო მატარებელი კი – თესალონიკიდან ლარისში. მაშველებმა სამგზავრო მატარებლიდან 194 მგზავრის ევაკუაცია მოახერხეს. დაშავებულები ახლოს მდებარე საავადმყოფოებში გადაიყვანეს, მათგან 25-ის მდგომარეობა კრიტიკულად მძიმეა.

მომხდართან დაკავშირებით დაწყებულია გამოძიება.

ამავე თემაზე:

* საბერძნეთში გლოვა გამოცხადდა