თესალონიკის საქართველოს საკონსულო, უკრაინელებისთვის ჰუმანიტარული დახმარების მსურველთათვის საჭირო ინფორმაციას ავრცელებს

თესალონიკის მერიაში ომით დაზარალებული უკრაინელი ხალხის დასახმარებლად ჰუმანიტარული დახმარების შეგროვება დაიწყო.

ამის შესახებ ინფორმაციას თესალონიკის, საქართველოს გენერალური საკონსულო ავრცელებს.

"თესალონიკის მერიის ინიციატივით, უკრაინის საკონსულოსთან და „მსოფლიო ფარმაცევტებთან“ თანამშრომლობით, თესალონიკის მერიის ფოიეში ომით დაზარალებული უკრაინელი ხალხის დასახმარებლად ჰუმანიტარული დახმარების შეგროვება დაიწყო" - ნათქვამია საკონსულოს განცხადებაში და მითითებულია ჰუმანიტარული დახმარებისათვის საჭირო ნივთების ჩამონათვალი და მისამართი თუ სად უნდა  ჩააბარონ დახმარების მსურველებმა ისინი.

  ჰუმანიტარული დახმარების საგნებია:

🔹მედიკამენტები (გამაყუჩებლები, ანთების საწინააღმდეგო პრეპარატები, ბინტი, პირველადი დახმარების სამედიცინო ყუთები, სპირტი, ფიზიოლოგიური ხსნარები და სხვა);
🔹 თბილი ტანსაცმელი ბავშვებსა და უფროსებისათვის;
🔹 საბნები და გადასაფარებლები;
🔹 ბავშვის მოვლის საგნები (პამპერსები და სხვა);
🔹 ბავშვის საკვები და რძე;
🔹პირადი ჰიგიენის საგნები;
🔹 გრძელვადიანი საკვები და რძე;
🔹 კონსერვები;
🔹 ბურღულეული და სუხარი;
 

მითითებულ მისამართზე ნებისმიერ მსურველს 24 საათის განმავლობაში შეუძლია ჰუმანიტარული ტვირთის მიტანა.

ჰუმანიტარული დახმარების შეგროვებასთან დაკავშირებით დამატებითი ინფორმაციის მისაღებად შეგიძლიათ მიმართოთ თესალონიკის მუნიციპალიტეტის საკრებულოს, სამოქალაქო დაცვის საკითხებში პასუხისმგებელ პირს ვასილის მოისიდისს , ტელ: +30 6955511547, +30 2313317155
 მისამართი: ვასილეოს გეორგიუს გამზირი N 1 A ‘ , საფოსტო ინდექსი: 54636 

ასევე საინტერესოა

🔵რა გინდა ჩვენგან? წადი ჩვენი მიწიდან!დაჯექი ჩემთან ერთად, ოღონდ არა 30 მეტრის დაშორებით, როგორც მაკრონთან და შოლცთან - ზელენსკი პუტინს მიმართავს

🔵მედია: ვლადიმერ პუტინთან საუბრის შემდეგ, ემანუელ მაკრონი მიიჩნევს, რომ „უარესი ჯერ კიდევ წინ არის“

🔵საბერძნეთი უკრაინელი ლტოლვილების დასაქმებას და სამედიცინო მომსახურებას უზრუნველყოფს