ბოლონიის უნივერსიტეტი საბაკალავრო და სამაგისტრო კურსებზე სწავლის მსურველ უცხოელ სტუდენტებს სტიპენდიებს სთავაზობს

იტალიის სხვადასხვა უნივერსიტეტები, პერიოდულად ავრცელებენ ინფორმაციას იტალიაში სწავლის მსურველი უცხოელი სტუდენტებისთვის.

ამჯერად, იტალიის საელჩო საქართველოში, მსოფლიოში ყველაზე ძველი, ბოლონიის უნივერსიტეტის მიერ გავრცელებულ ინფორმაციას გვთავაზობს, უცხოელი სტუდენტებისთვის გამოყოფილი სასწავლო სტიპენდიების შესახებ, მომავალი აკადემიური წლისთვის.

ბოლონიის უნივერსიტეტი საბაკალავრო და სამაგისტრო კურსებზე სწავლის მსურველ უცხოელ სტუდენტებს სთავაზობს სასწავლო სტიპენდიებს 2022/2023 აკადემიური წლისთვის.
განაცხადის გაკეთება შესაძლებელია:
- 11.000 ევროს ოდენობის სასწავლო სტიპენდიის მიღებისთვის (Unibo Azione 2);
- სწავლის გადასახადისგან სრულად გათავისუფლებისთვის (Unibo Azione 1).
სასწავლო სტიპენდიის მიღება და სწავლის გადასახადისგან გათავისუფლება შესაძლებელია ერთი აკადემიური წლის განმავლობაში, SAT, GRE და TOLC ტესტების ქულების საფუძველზე.
ვადები და პირობები:
- Unibo Azioni 1&2 – GRE ტესტის შემთხვევაში (სამაგისტრო კურსებზე სწავლის მსურველი უცხოელი სტუდენტებისთვის) - განაცხადის წარდგენის ვადაა 2022 წლის 31 მარტის 12:00სთ (იტალიური დროით);
- Unibo Azioni 1&2 – SAT ტესტის შემთხვევაში (საბაკალავრო და სამაგისტრო კურსებზე სწავლის მსურველი უცხოელი სტუდენტებისთვის) - განაცხადის წარდგენის ვადაა 2022 წლის აპრილი;
- Unibo Azione 1&2 - TOLC ტესტის შემთხვევაში (საბაკალავრო და სამაგისტრო კურსებზე სწავლის მსურველი უცხოელი სტუდენტებისთვის) - საკონკურსო პირობებთან დაკავშირებული ინფორმაცია გამოქვეყნდება 2022 წლის თებერვალში.
დეტალური ინფორმაციის სანახავად ეწვიეთ ბმულს: https://bit.ly/3ADDDaN