“ჩემი საქართველო აღარ დაბრუნდება?! ჩვენმა თაობამ დედა უტირა... “ - სოლომონ ნერგაძე

წერილს, რომელსაც ჩვენს მკითხველს ვთავაზობთ, იტალიაში მოღვაწე, მოლეკულური ბიოლოგიის ასოცირებული პროფესორი, სოლომონ ნერგაძე საკუთარ „ფეისბუკ“ გვერდზე ავრცელებს, რომელსაც უცვლელად გთავაზობთ.

„ჩემი საქართველო აღარ დაბრუნდება?! თბილი, გამტანი, 14 აპრილს აფეთქებული და მზადმყოფი, სისხლი შეესხა სახეში მომხვდურისთვის... 9 აპრილის სიყვარულიანი საქართველო აღარ იქნება...
ჩვენმა თაობამ დედა უტირა... დაანგრია, გადაწვა, დაახინჩა... დაანაწევრა და ნაწილებად გააჩუქა...

90-იანების კერძო უნივერსიტეტების განათლება გაბატონდა ქვეყანაში... აგრესიული უწიგნურობა ზეობს...
ნატო-ნატოო, ვბღავით - ვერ კი გაგვირკვევია, ნატოში უაფხაზეთოდ და უსამაჩაბლოოდ შევდივართ თუ მათთან ერთად...

ქვეყნის გამთლიანების გეგმა ან მოსაზრება მაინც, გამთლიანების შესახებ არავის აქვს, ორი ჯგუფის გარდა. იმ ორ ჯგუფს კი გამთლიანებული ქვეყანა რუსეთის ფედერაციის ერთ გუბერნიად წარმოუდგენია.აგრესიული უწიგნურობა ზეობს... აგრესიული უწიგნურობა ამუხრუჭებს ქვეყანას...

„70 ათასი ბავშვი შიმშილობს! ასეულ ათასობით პენსიონერი შიმშილობს!
ხალხი შიმშილით კვდება"... - აი, ამას ბღავიან აგრესიული უწიგნურები და გვპირდებიან, მოვლენ თუ არა ხელისუფლებაში, ეს პრობლემები აღარ იარსებებს.

ამას ბღავიან იმ ქვეყანაში რომელიც:

- პირველ ადგილზეა მსოფლიოში აიფონების პროცენტული რაოდენობის მხრივ;
- პირველ ათეულშია ერთ სულ მოსახლეზე მსუბუქი მანქანების რაოდენობით;
- თურქეთიდან აწარმოებს ლობიოს, კიტრის, პომიდვრის, სიმინდის იმპორტს, მაშინ როცა საკუთარი სახნავ-სათესს არ ხნავს;
- მსოფლიოში პირველ ადგილზეა ერთ სულ მოსახლეზე „უმაღლესი განათლების დიპლომების“ რაოდენობით.

დიახ, მეგობრებო, ამდენი დიპლომის ქვეყანაში, აგრესიული უწიგნურობა მძვინვარებს...
მე კი, ჩემი ძველი, თბილი საქართველო მენატრება - სიყვარულიანი, გამტანი...
იმ საქართველოში არ შიმშილობდნენ.
იმ საქართველოში არ სძულდათ
იმ საქართველოში უყვარდათ.
იმ საქართველოში...
იმ საქართველოდან არ გარბოდნენ...
იმ საქართველოს მრავალი შეჰხაროდა...
ის საქართველო მინდა...
ის საქართველო მენატრება...“ - წერს სოლომონ ნერგაძე.

აგრეთვე დაგაინტერესებთ:

📌 გაიცანით, იტალიაში მოღვაწე ქართველი მეცნიერი, სოლომონ ნერგაძე

📌 „მერე მოვიდნენ გამყიდველი ქართველები და როგორი სულგაყიდული საქმე ჰქნეს იცით?!“ - სოლომონ ნერგაძე

📌 როგორ უნდა მოვიქცეთ კოვიდინფიცირებულთან კონტაქტის ან სიმპტომების გამოვლენის შემთხვევაში - ახალი რეგულაციები

📌 შვილების აცრასთან დაკავშირებული უთანხმოების გამო, იტალიაში სულ უფრო მეტი ოჯახი ინგრევა

📌 საქართველოდან იტალიაში - „მე და ირმა ერთ პატარა ქალაქში გავიზარდეთ, მაგრამ ერთმანეთს არ ვიცნობდით“