“ეს იტალიელი ქალბატონი მე და ქართულ დიასპორას რომში სულ გვერდში გვიდგას, ახლა უკრაინელებს დავეხმარებით ერთად” - ნენო გაბელია

"ეს იტალიელი ქალბატონი მე და ქართულ დიასპორას რომში, სულ გვერდში გვიდგას," -  ნენო გაბელია საქართველოს ახალგაზრდა ელჩი იტალიის რესპუბლიკაში 2018-2019 წლებში, რომელიც ამჟამად რომში ცხოვრობს, სოციალურ ქსელ ფეისბუკზე სტატუსს აქვეყნებს:

"დღეს მინდა მონიკაზე მოვყვე… რამდენიმე წლის წინ გავიცანით ერთმანეთი, მიუხედავად იმისა, რომ იშვიათად ვხვდებით, ხშირ შემთხვევაში “ერთ ენაზე” ვსაუბრობთ.

ის იტალიელი არქიტექტორი ქალბატონია, რომელსაც თავისი გალერია აქვს რომის შუაგულში. ეს ქალბატონო მე და ქართულ დიასპორას რომში სულ გვერდში გვიდგას. რა დამსახურებით არ ვიცი, ალბათ როგორც მე გამიჩნდა მის მიმართ დადებითი ემოცია, მასაც ასე დაემართა. 

მაგრამ, ახლა იმიტომ ვყვები ამ ამბავს, რომ ჩვენი მეგობრობა, არ შემოიფარგლა მხოლოდ იტალია-საქართველოთი, ორი ერი ერთად დავდექით უკრაინის დასახმარებლად. რა თქმა უნდა, ეს მხოლოდ მცირედია, თუმცა მცდელობა მაინც არის, რომ რაღაც ჩვენც გავაკეთოთ უკრაინისთვის.

იტალიელმა ხელოვანმა ალესანდრო არიგომ შექმნა ეს ნამუშევრები, რომელთა შეძენაც შეგიძლიათ სპაციო მონტიში 23 მარტამდე (via della Madonna dei Monti 27,Roma). მთლიან თანხას კი იტალიელი ხელოვანი ქართულ სამრევლოს გადასცემს რომში, რათა ჩვენ შევძლოთ უკრაინელების დახმარება სამედიცინო მედიკამენტებით.

მინდა დიდი მადლობა ვუთხრა მონიკა ჩეკინის და ალესანდრო არიგოს მათი ინიციატივისთვის, რომელიც ჩემი აზრით ნამდვილად დასაფასებელია, - წერს ნენო გაბელია.