ფიქრია კუჭუხიძემ, მშრომელთა უფლებების დამცველი ორგანიზაციის კონგრესზე, ქართველი თანამემაულეების უფლებებზე ისაუბრა

დღეს, 15 თებერვალს ქალაქ ბარში, სასტუმრო შერატონში, პულიის რეგიონის მშრომელთა უფლებების დამცველი ორგანიზაციის მე-6-ე კონგრესი გაიმართა.

კონგრესის მონაწილეებმა ხაზგასმით და მკაფიოდ ისაუბრეს მშრომელთა უფლებებზე, მათ საჭიროებებსა და პრობლემებზე, სოციალურ უზრუნველყოფასა და სხვა მნიშვნელოვან საკითხებზე.

მომხსენებლებმა, ასევე ხაზი გაუსვეს პანდემიის შედეგად გამოწვეულ კრიზისს, საემიგრაციო კანონს და ა.შ. 

კონგრესის მოწვეული სტუმარი გახლდათ მსოფლიო საემიგრაციო ორგანიზაცია "anolf"-ის ქართველი ოპერატორი ფიქრია კუჭუხიძე.

კუჭუხიძემ დარბაზში მყოფ საზოგადოებასთან, იტალიაში მყოფი ქართული დიასპორის წარმომადგენლების უფლებებისა და პრობლემების შესახებ ისაუბრა. მან ხაზგასმით აღნიშნა, იტალიაში, ოჯახებში და ამ სექტორში დასაქმებულ პირთა შრომითი პირობების შესახებ. 

ფიქრია კუჭუხიძემ აქცენტი გაამახვილა ქართველ მშრომელთა ვაქცინაციის კამპანიის შესახებ, რომელიც განმარტებას საჭიროებდა. მისი თქმით, გავრცელებული ინფორმაცია, რომ ქართველი მშრომელები ვაქცინაციის კამპანიას თავს არიდებენ არ შეესაბამება სიმართლეს.

"პანდემიის შედეგად სახელმწიფომ სხვადასხვა სოციალური დახმარებები გამოსცა, რამაც საბოლოო ჯამში შექმნა ის რეალობა, რომ მოსახლეობას ურჩევნია შემწეობის მიღება და თავი აარიდოს მუშაობას. ჩვენი მოვალეობაა, დავიცვათ მშრომელთა უფლებები და ხელი შევუწყოთ მათ სამუშაოებზე დაბრუნებას" - განაცხადა "Cisl di Puglia"-ს აღმასრულებელმა დირექტორმა ჯუზეპე ბოკუცმა.

კონგრესი ორდღიანია და ის პულიის რეგიონში მოქმედ ძირითად პროფკავშირულ ორგანიზაციებს აერთიანებს.