ფუფუნებისა და “ცხელი” საღამოების მოყვარულ მღვდელს მეტსახელად “დონ ევრო” 7 წელი და 6 თვე მიუსაჯეს - იტალია

იტალიაში, ქალაქ მასას ეკლესიის ყოფილ წინამძღვარს, ლუკა მორინის, სასამართლომ 7 წლით და 6 თვით თავისუფლების აღკვეთა მიუსაჯა. მღვდელი ცნობილია ასევე მეტსახელით "დონ ევრო", რადგან მრევლისგან გამუდმებით ითხოვდა დიდი რაოდენობით თანხას, შემოწირულების სახით. მორინის ბრალი ედება მისი ყოფილი ეპისკოპოსისათვის ჯოვანი სანტუჩისთვის ფულის გამოძალვასა და სხვა ადამიანად თავის გასაღებაში. 

მას ასევე ედავებოდნენ ფულის გამოძალვაში ერთ-ერთი მონაზვნისგან, ფულის გათეთრებაში და ნარკოტიკებთან კავშირში, მაგრამ მას ეს ბრალდებები მოეხსნა.

პროკურატურა 8 წელსა და 6 თვეს ითხოვდა, ხოლო დაცვის მხარეს - დარბაზიდან გათავისუფლებას, მორინის ფსიქიკური მდგომარეობის გამო. 

პირველად "დონ ევროს" საქმე 2015 წელს გამოაშკარავდა, როდესაც ე.წ. "ესკორტის" გოგონები ალაპარაკდნენ. ისინი მამაკაცებს ანაზღაურების სანაცვლოდ ემსახურებოდნენ. მორინი მათ როგორც მოსამართლე ისე გაეცნო და როგორც ქალები ჰყვებიან ის მდიდრული სუფრების, მოგზაურობისა და "ცხელ" საღამოების მოყვარული იყო.

მორინის ბინის ჩხრეკისას პოლიციამ 700 000 ევრო ნაღდი ფული და 150 000 ევროს ღირებულების ძვირფასეულობა ამოიღო.

მას "ესკორტის" ოთხი წევრისთვის 14 000 ევროს გადახდაც მოუწევს, ზარალის ანაზღაურების მიზნით.