გადაცემა "ნინას ესპრესოს" სტუმარი - ემიგრანტი ჟურნალისტი მაია ხომერიკი

დღეს მსოფლიოს ყურადღება მიმართულია ომისკენ! ომისკენ, რომელმაც არსებული რეალობა სრულიად შეცვალა. ჩვენ ვუერთდებით მსოფლიოს ხმას... 

ომის დაწყებამდე, ExclusiveTV.ge-მ მაყურებელს შესთავაზა იტალიაში მცხოვრები ჟურნალისტის, ნინა მამუკაძის საავტორო გადაცემა "ნინას ესპრესო", რომელიც მეტწილად იტალიაში მცხოვრები ქართველი ემიგრანტების შესახებ გვიყვება, რომლებმაც გარკვეულ წარმატებას მიაღწიეს, ან ჩვენს გვერდში დგომას საჭიროებენ.

ომის დაწყებამდე მხოლოდ პირველი გადაცემა გამოქვეყნდა. მსჯელობის შედეგად, გადავწყვიტეთ შემოგთავაზოთ მეორე გადაცემაც, რომლის სტუმარიც ემიგრანტი ჟურნალისტი მაია ხომერიკია.

მაია ხომერიკი 10 წლის განმავლობაში პირველი არხის დასავლეთ საქართველოს რეგიონალური კორესპონდენტი იყო, შემდეგ ფოთის ოთხი მერის საზოგადოებასთან ურთიერთობის სამსახურის უფროსი, მოგვიანებით ფოთის საკრებულოს წევრი, ხოლო შემდეგ, ერთ-ერთი ბანკის ფოთის ფილიალის მმართველი გახლდათ. მაგრამ მოხდა ისე, რომ ერთ დღეს, ისიც ქართველ ემიგრანტთა მრავალრიცხოვან არმიას შეუერთდა, რადგან საქართველოში საკუთარი თავი ვეღარ იპოვა! თუმცა, საქართველო მისგან არასდროს არსად წასულა და ეს, მასთან საუბრისას, ნათლად იგრძნობა. 

გადაცემის სპონსორი - "კვება მამუკასთან ერთად"

აგრეთვე დაგაინტერესებთ:

📌 რეპორტაჟები იტალიიდან - ExclusiveTV-ის ახალი პროექტი

📌 ილიას "მგზავრის წერილები" იტალიურ ენაზე გამოიცა

📌 "რომში დიდი ქართველი ხელოვანისა და დიპლომატის, გიორგი აფხაზის გამოფენა მოეწყობა" - ნენო გაბელია

📌 რუსკა ჟორჟოლიანი: "ნოდარ დუმბაძე, თითქმის ყველა ევროპულ ენაზე იყო თარგმნილი, გარდა იტალიურისა" - ნოდარ დუმბაძე იტალიურად ითარგმნა