იტალია: „გარდა იმისა, რომ სწავლა უფასოა, თან საათში გადაგიხდიან 3.50 ევროს. არ ვიცი ამაზე უკეთესი შანსი რა უნდა იყოს“

იტალიაში, ქალაქ ბარიში არსებული საგანმანათლებლო ცენტრ „ვიქტორია“-ს დამფუძნებელი, იტალიური და ინგლისური ენების მასწავლებელი ვიქტორია ცუხიშვილი, ემიგრანტების საყურადღებოდ,  სოციალურ ქსელ „ფეისბუკში“ საინტერესო პოსტს აქვეყნებს, რომელსაც უცვლელად გთავაზობთ:

რამდენიმე დღის წინ დავწერე პოსტი, რომ არის უამრავი შესაძლებლობა, პერსპექტივა იმისთვის, რომ ამ ქვეყანაში დასაქმდეთ სხვა პროფესიით, გარდა შინამოსამსახურის პოზიციისა.

დაგპირდით, რომ მალე მექნებოდა საინტერესო სიახლეები, ჰო და აი პოსტიც.

 
არასოდეს არ ვამბობ ისეთ რამეს, რაც რეალობას არ შეესაბამება, მინდა გაგიზიაროთ საოცარი შესაძლებლობა, რომელიც თქვენს ცხოვრებას რადიკალურად შეცვლის, გაგიფერადებთ. ვფიქრობ ემიგრაციას კიდევ უფრო ართულებს მძიმე და მონოტონური სამსახური, მაგრამ თუ დაკავდებით სასურველი საქმით, ნამდვილად საინტერესო და სასიამოვნო გახდება თქვენი ყოველდღიურობა.

მხოლოდ ბარში!!!  
გთავაზობთ პროფესიათა ჩამონათვალს! (რაც არაა სრული, მომდევნო პოსტებში განვავრცობ).

სწავლა უფასოა სახელმწიფო დაფინანსებით. ხანგრძლივობა დაახლოებით 1 წელი. ზოგიერთ კურსს თეორიულ ნაწილთან ერთად აქვს ასევე პრაქტიკაც. მაგრამ გარდა იმისა, რომ უფასოა, თან საათში გადაგიხდიან 3.50 ევროს. არ ვიცი ამაზე უკეთესი შანსი რა უნდა იყოს. თუმცა არის კრიტერიუმები რასაც უნდა აკმაყოფილებდეთ:
 

📌 საბუთები უნდა გქონდეთ წესრიგში.
📌 უნდა იცოდეთ იტალიური ენა A2-B1 დონეზე, გქონდეთ შესაბამისი ატესტატ-სერთიფიკატი (დაინტერესების შემთხვევაში შეგიძლიათ ჩემთან გაიაროთ იტალიური ენის სასწავლო კურსი).
📌 უნდა იყოთ უმუშევარი.

არის სხვა კრიტერიუმებიც, პოსტს გაეცანით ყურადღებით, თუ აკმაყოფილებთ მოთხოვნებს დაპლიუსდით კომენტარებში.  ნუ მომწერთ პირადში.

საკმარისი მსურველების მოგროვების შემთხვევაში დაიგეგმება შეხვედრა, სადაც შეძლებთ მიიღოთ დამატებითი ინფორმაცია 

📌 საოფისე და ბიზნეს საინფორმაციო ტექნოლოგიები
📌 ბიზნეს ბუღალტერია
📌 ადმინისტრაცია და ბუღალტერია
📌 საგადასახადო დახმარების ცენტრისა და პატრონატოს მართვა და ორგანიზაცია
📌 სამდივნო საქმიანობის, მიღებისა და ინფორმაციის ორგანიზებისა და მართვის ოპერატორი
📌 სოციალური მედიის მარკეტინგი

📌 ინტერაქტიული ვებ ტურიზმისთვის
📌 პერსონალის ადმინისტრაციისა და ბუღალტრული აღრიცხვის ტექნიკოსი
📌 ქორწილისა და პირადი ღონისძიებების დამგეგმავი