იტალია - “ISEE, მისი დამზადება აუცილებელი და მნიშვნელოვანია, რომ მივიღოთ დახმარებები” - ფიქრია კუჭუხიძე

საემიგრაციო საზოგადოება Anolf-ის ქართველი ოპერატორი ფიქრია კუჭუხიძე ISEE-ს, ანუ პირის ეკონომიკური მდგომარეობის მაჩვენებლის შესახებ ინფორმაციას აქვეყნებს.

ახალი თავსატეხი - ISEE (პირის ეკონომიკური მდგომარეობის მაჩვენებელი)! მისი დამზადება აუცილებელი და მნიშვნელოვანია.

როდესაც ISEE მზადდება ფიქსირდება პირის წლიური საშემოსავლო და საბანკო ბრუნვა. ზოგს უფიქსირდება 5 ათასი, ზოგს - 8 ათასი, ზოგს - 12 ათასი და ზოგსაც არაფერი.

შემოვიდა შეკითხვა, თუ რატომ ვერ იღებენ იმ თანხას, რომელიც ISEE-ს გაკეთების შემდეგ დაუფიქსირდათ!

მინდა განვმარტო, რომ ეს არ არის თანხა, რომელიც უნდა გადაგიხადონ! პირიქით, როდესაც რომელიმე ბონუსზე, ანუ დახმარებაზე ვაკეთებთ განაცხადს, უნდა წარვადგინოთ ISEE, ანუ ვაჩვენოთ ჩვენი შემოსავლები და სწორედ ამის მიხედვით, გაიცემა შემდეგ სხვადასხვა სახის ბონუსები და დახმარებები.

უნდა ვიცოდეთ, თუ რა დატვირთვა აქვს ISEE-ს! ვიცოდეთ, რომ ყოველი წლის იანვარში უნდა  დავამზადოთ!

მის გასაკეთებლად უნდა წარვადგინოთ Giacenza media, წლიური საბანკო ამონაწერი ყველა იმ ბანკიდან, სადაც ანგარიში გვაქვს გახსნილი 2 წლით უკანა ვადით!

თუ ანგარიში არსად გაქვთ გახსნილი, ამ საბუთის გარეშე დამზადდება ISEE და სხვა დანარჩენ რეკვიზიტებს "პატრონატო" აგიხსნიან რა გჭირდებათ.

თუ წლის განმავლობაში შეიცვალა თქვენი სამსახურებრივი მდგომარეობა, იცოდეთ, რომ მოდელი ISEE განმეორებით უნდა დამზადდეს, რომ დაფიქსირდეს ზუსტი საშემოსავლო სიტუაცია!" - წერს ფიქრია კუჭუხიძე.