იტალია: “მხარეებმა გამოთქვეს იმედი, რომ მოსკოვსა და კიევს შორის მოლაპარაკებების მორიგი რაუნდი მალე გაიმართება და საკვანძო საკითხებზე შეთანხმება მიღწეული იქნება“

რუსეთის საგარეო საქმეთა მინისტრ, სერგეი ლავროვსა და ვატიკანის სახელმწიფო მდივანს, პიეტრო პაროლინს შორის სატელეფონო საუბარი შედგა. - ამის შესახებ სააგენტო “ANSA“ წერს.

„მხარეებმა გამოთქვეს იმედი, რომ მოსკოვსა და კიევს შორის მოლაპარაკებების მორიგი რაუნდი მალე გაიმართება და საკვანძო საკითხებზე შეთანხმება მიღწეული იქნება, სიტუაციის დარეგულირებისა და საომარი მოქმედებების დასრულების მიზნით“. - ნათქვამია რუსეთის საგარეო საქმეთა სამინისტროს მიერ გავრცელებულ ინფორმაციაში.

მას შემდეგ, რაც პაროლინმა, უკრაინაში შექმნილი ვითარების შესახებ შეშფოთება გამოხატა, ლავროვმა მას გააცნო რუსული მოტივები უკრაინაში ჩატარებული სპეცოპერაციის მიზეზებისა და ამოცანების შესახებ“.  "განსაკუთრებული აქცენტი გაკეთდა კონფლიქტთან დაკავშირებულ ჰუმანიტარულ საკითხებზე, მათ შორის მშვიდობიანი მოსახლეობის დაცვის ღონისძიებებზე, ჰუმანიტარული დერეფნების ორგანიზებასა და განხორციელებაზე, ლტოლვილთა დახმარებაზე". - ნათქვამია რუსეთის საგარეო საქმეთა სამინისტროს მიერ გავრცელებულ ინფორმაციაში

სატელეფონო საუბრისას კარდინალმა, ლავროვს რომის პაპის, ფრანცისკეს ღრმა შეშფოთება გადასცა უკრაინაში მიმდინარე ომის გამო და გაიმეორა მოწოდება, - შეწყდეს შეიარაღებული თავდასხმები, რათა უზრუნველყოფილი იყოს ჰუმანიტარული დერეფნები მშვიდობიანი მოსახლეობისა და მაშველებისთვის.

სხვა სიახლეები:

📌 იტალიაში, საწვავი გაძვირდა

📌 უკრაინელ “ბადანტეს” ქუჩაში შეატყობინეს, რომ შვილი აფეთქებისას დაეღუპა

📌 რომის პაპმა, მშვიდობისთვის მართლმადიდებლური ხატის წინაშე ილოცა