იტალია - როგორ მივიღოთ გრძელვადიანი ბინადრობის ნებართვა

უცხოელს, შეუძლია მოითხოვოს გრძელვადიანი ბინადრობის ნებართვა იმ ქალაქის ქვესტურაში სად ის ცხოვრობს. გრძელვადიანი ტიპის ბინადრობის ნებართვა, შეუძლია მოითხოვოს უცხოელმა, რომელსაც

• იტალიაში მინიმუმ 5 წლიანი ლეგალურად ცხოვრების ისტორია აქვს. 
• ასევე უნდა დადასტურდეს წლიური შემოსავლის ოდენობის, მინიმალური შემოსავლის არსებობა.
• 5 წლიანი ბინადრობის ბარათის ქონის დროს, არ უნდა დაფიქსირდეს 6 თვეზე მეტი დროით იტალიის ტერიტორიის დატოვება, და არ აღემატებოდეს ჯამურად 10 თვეს ხუთწლიანი პერიოდის განმავლობაში, გარდა განსაკუთრებული შემთხვევებისა,  მაგ:  სამხედრო ვალდებულებების შესრულების აუცილებლობა, ჯანმრთელობის სერიოზული  პრობლემები  ანდა  დოკუმენტირებული სხვა მიზეზები განცხადებული ქვესტურაში.

გრძელვადიან დოკუმენტზე განაცხადი უნდა წარადგინოთ საფოსტო განყოფილებაში. განაცხადს უნდა დაურთოთ:

• მოქმედი პასპორტის ან მასთან გათანაბრებული დოკუმენტის ასლი;
• წლიური შემოსავლის დოკუმენტი;
• წლიური შემოსავლის დოკუმენტს, ასევე მომდინარე წლის სახელფასო დოკუმენტის ასლები Busta paga;
• ნასამართლევობის ცნობა - Certificato caselario giudiziale
• საცხოვრებელი ადგილის ვარგისობის დოკუმენტი, idoneità alloggiativa და ცნობა ბინადრობის შესახებ Certificato di residenza;
• და ბოლოს, A2 დონის იტალიური ენის სერტიფიკატი.

ზემოთ აღნიშნული დოკუმენტების საფოსტო განყოფილებაში წარდგენის შემდეგ, ფოსტა გადმოგცემთ თარიღს, როდესაც უნდა მიხვიდეთ ქვესტურაში, საემიგრაციო განყოფილებაში თითი ანაბეჭდების ასაღებად. ანაბეჭდების აღების შემდეგ, გადმოგეცემათ თქვენი დოკუმენტის წარმოების კოდი და ონლაინ მისამართი, სადაც შესაძლებელია  აკონტროლოთ თქვენი საბუთის მსვლელობა/დამზადების პროცესი.

მაკა ხაჩოშვილი სპეციალურად ExclusiveTV-თვის ნეაპოლიდან