იტალია - როგორ მივიღოთ სოციალური დახმარება Reddito di cittadinanza

Reddito di cittadinanza, ეს არის სოციალური დახმარება რომელსაც იტალიის სახელმწიფო სთავაზობს, როგორც იტალიის მოქალაქეებს ასევე იტალიაში მცხოვრებ უცხოელებს.

ამ სახის სოციალური დახმარების მისაღებად, მოქალაქე უნდა იყოს 18 წელს მიღწეული.

განაცხადისთვის აუცილებელია გავითვალისწინოთ კანონით განსაზღვრული რეკვიზიტები:

- აუცილებლად უნდა ფლობდეთ ბინადრობის ნებართვის გრძელვადიან საბუთს (Permesso di soggiorno illimitato);

- 10 წლიან ჩაწერას იტალიის ტერიტორიაზე და შესაბამისად პირადობის მოწმობას Carta d'identità;

- ასევე ძალიან მნიშვნელოვანია წლიური შემოსავლების დამადასტურებელი დოკუმენტი  ISEE რაც განსაზღვრავს თქვენს თვიურ ეკონომიკურ ფულად დახმარებას.

იმისთვის, რომ დახმარება მიიღოთ ოჯახის  ერთი წევრის  წლიური შემოსავალი არ უნდა აღემატებოდეს 9 360 ევროს. თვიური დახმარება მერყეობს, როგორც წლიური შემოსავლების, ასევე ოჯახის წევრების რაოდენობის მიხედვით. ამ პარამეტრების მიხედვით, დახმარება  შეიძლება იყოს 780, 400, 1330 და ა.შ.

"რედიტო დი ჩიტადინანცა" შეუძლიათ მიიღონ ასევე იმ უცხოელებმა, რომლებსაც აქვთ სუბსიდიური დაცვის საბუთი, ან ლტოლვილის სტატუსი.

დახმარება ავტომატურად ახლდება 12 თვის შემდეგ იმ შემთხვევაში, თუკი თქვენ ყოველი წლის იანვრის თვეში გააკეთებთ განაცხადს შემოსავლების დოკუმენტზე ISEE.

აღნიშნული სოციალური დამხრაწება 18 თვიანია და 18 თვის შემდეგაც შეგეძლებათ განახლება.

მაკა ხაჩოშვილი სპეციალურად ExclusiveTV-თვის ნეაპოლიდან