იტალია, უცხოელ ბავშვებზე, მოქალაქეობის მინიჭების საკითხს განიხილავს

იტალია განიხილავს მოქალაქეობის მიღების კიდევ ერთ ფორმას IUS Scholae-ს. რეფორმის ერთიანი ტექსტი, საკონსტიტუციო საკითხთა კომისიას უკვე წარუდგინა ჯუზეპე ბრეშიამ პარტია M5S-დან.

რას გულისხმობს აღნიშნული რეფორმა?

• იტალიის მოქალაქეობას მიიღებს არასრულწლოვანი პირი, რომელიც დაიბადა იტალიაში, ან იტალიის ტერიტორიაზე შემოვიდა 12 წლის შესრულებამდე და ქვეყანაში ცხოვრობს ლეგალურად და უწყვეტად. კიდევ ერთი პირობაა, რომ არასრულწლოვანს, მინიმუმ 5 წლის განმავლობაში, გავლილი უნდა ჰქონდეს სასკოლო ერთი, ან ორი ციკლი.

აღნიშნული რეფორმა ერთგვარად ჩაანაცვლებს აქამდე არსებულ IUS soli-ის თემას.

• მოქალაქეობის მიღების შესახებ განაცხადი უნდა შეიტანოს არასრულწლოვნის ორივე მშობელმა, რომლებიც ლეგალურად ცხოვრობენ იტალიის ტერიტორიაზე, სანამ არასრულწლოვანს შეუსრულდება 18 წელი. განაცხადის შეტანა ხდება იმ ქალაქის მერიაში, რომელ ქალაქშიც ბავშვი ოფიციალურად არის ჩაწერილი.
• თუ პირს შეუსრულდა 18 წელი, არ სურს იტალიის მოქალაქეობა და ფლობს სხვა ქვეყნის მოქალაქეობას, შეუძლია უარი თქვას იტალიის მოქალაქეობაზე 18 წლის შესრულებიდან 2 წლის განმავლობაში. 
• იმ შემთხვევაში, თუ მშობლებმა აღნიშნული მოთხოვნა არ გააკეთეს, მას შემდეგ რაც პირს შეუსრულდება 18 წელი, უფლება აქვს სრულწლოვანების შესრულებიდან 2 წლის განმავლობაში, თავად გააკეთოს მოქალაქეობის მიღების შესახებ განაცხადი. 

გარდა M5S-სა, აღნიშნულ ინიციატივას მხარს უჭერს Partito democratico, მაგრამ ეწინააღმდეგება Lega nord-ი. Fratelli d'Italia და Forza Italia ამ ეტაპზე თავს იკავებენ. რამდენიმე დღეში, კომისიის სხდომაა ჩანიშნული, რომელზედაც აღნიშნული საკითხის განხილვა მოხდება.

წყარო 

თარგმნა ნინა მამუკაძემ

აგრეთვე დაგაინტერესებთ:

📌 რას ნიშნავს „აზილო“? ვის აქვს „აზილოს“ მოთხოვნის უფლება? როგორ დავიწყოთ მისი გაკეთება? - ხათუნა ტატუნაშვილი

📌 Licenziamento - დამსაქმებლის მხრიდან შრომითი ხელშეკრულების გაწყვეტა

📌 იტალიის რესპუბლიკაში შესვლა ოჯახის გაერთიანების მიზნით

📌 იტალიამ უკვე 11 323 უკრაინელი დევნილი მიიღო