იტალიაში "ომიკრონის დაიკო" დაფიქსირდა

იტალიაში "ომიკრონის დაიკო" დაფიქსირდა, ასეთი სათაურით ვრცელდება ინფორმაცია იტალიურ პრესაში, რომელიც "კოვიდ19"-ის შტამის "ომიკრონის" ქვეშტამის გავრცელებას ეხება. "ომიკრონის დაიკო", რომელსაც მეცნიერებმა BA.2 უწოდეს, მისი ერთადერთი ქვეშტამი არ არის, არსებობენ ასევე BA.1 და BA.3.

უკვე დადგინდა, რომ ის "ომიკრონივით" სწრაფად ვრცელდება, მაგრამ რამდენად აგრესიულია, ეს ჯერ კიდევ კვლევის პროცესშია, მას ვირუსოლოგებმა ჰიპერმუტირებული ვარიანტი უწოდეს.

"ომიკრონის" ვარიანტებიდან BA.1 ყველაზე სწრაფად ვრცელდება, ეს აშკარაა ყველა იმ ქვეყნის მონაცემების საფუძველზე, სადაც აღნიშნული შტამი გავრცელდა, მათ შორის იტალიაშიც. აქ მან "დელტა" ჩაანაცვლა.

BA.2 პირველად პირველად ინდოეთში დაფიქსირდა, მოგვიანებით ფილიპინებზე, სინგაპურსა და იაპონიაში, ხოლო ამის შემდეგ ჩრდილოეთ ევროპაში. იტალიაში ის უკვე 9 რეგიონშია დაფიქსირებული.

გენეტიკური მონაცემები იძლევა ინფორმაციას, რომ აღნიშნული სამი ქვეშტამი ერთმანეთისგან განსხვავდება. პირველი ვარიანტი დიდი სისწრაფით ვრცელდება, მეორე შედარებით ნელა, მაგრამ გარკვეულ ქვეყნებში პირველი ვარიანტი გადაფარა. რაც შეეხება მესამე ვარიანტს, BA.3-ს მისი გავრცელების სისწრაფე პირველ ორთან შედარებით, დაბალია.