იტალიის ამ ერთ-ერთი ყველაზე დიდი ქალაქის მერია, ხელმოკლე ოჯახებს, ბინის ქირის გადახდაში დაეხმარება

მილანის მუნიციპალიტეტის, ახალი ინიციატივის თანახმად, გამოიყო 4,5 მილიონი ევრო, რომლითაც მერია შეჭირვებულ  მოსახლეობას ქირის გადახდაში დაეხმარება.

20 აპრილიდან, პირებს, რომელთა შემოსავალი არ აღემატება წელიწადში 26 ათას ევროს, დახმარებისთვის შეუძლიათ მიმართონ მუნიციპალიტეტს.

შესაძლებელი იქნება 3 ათასი ევროს მოთხოვნა, რომელიც მინიმუმ 8 თვის ბინის ქირას დაფარავს. შესაბამისი პროცედურის გავლის შემდეგ თანხა, 30 დღის განმავლობაში, უშუალოდ ბინის მეპატრონეს ჩაერიცხება.

ინიციატივა ვრცელდება მხოლოდ მილანის მუნიციპალიტეტზე.

აუცილებელი მოთხოვნებია: იზეე, საბუთი სადაც შემოსავალი 26 ათასს ევროს არ აღემატება;

განაცხადის გაკეთება მხოლოდ  იმ პირს შეუძლია ვისზეც  ქირავნობის კონტრაქტია გაფორმებული;

განმცხადებელ პირზე, ლომბარდიის რეგიონში, არ უნდა იყოს რეგისტრირებული არანაირი  კერძო საკუთრება;

მიმდინარე წლის 20 აპრილამდე პირს უკვე მინიმუმ 6 თვე უნდა ჰქონდეს ნაცხოვრები განაცხადში მითითებულ ბინაში და უნდა ჰქონოდეს ქირავნობის ხელშეკრულება;

განაცხადების მიღების ვადა 11 მაისს 12 საათზე იწურება;

როგორც ბინის მეპატრონეს, ისე დამქირავებელს, აუცილებელია ჰქონდეთ SPID-ი;

დახმარების მიღებაზე განაცხადის გაკეთება შესაძლებელია, ვებგვერდზე www.comune.milano.it.

ანუკა ღონღაძე სპეციალურად ექსკლუზივტვ-თვის მილანიდან