მშვიდობით ნიღბებო? რა იცვლება 2022 წლის 1 მაისიდან იტალიაში

”ზაფხული შეზღუდვების გარეშე”, - ამბობს, იტალიის ჯანდაცვის მინისტრის მოადგილე, ანდრეა კოსტა და ხაზს უსვამს, რომ ”ორწლიანი წესებისა და აკრძალვების შემდეგ, განსაკუთრებით მას შემდეგ, რაც იტალიელების 80% მეტი აცრილია, საზოგადოებას მოუწოდებს, პატივი სცენ მთავრობის ყველა მითითებას“.

გადაწყვეტილება იმის შესახებ, დავტოვოთ თუ არა ძალაში, ნიღბების ვალდებულება დახურულ სივრცეში და (შეკრების შემთხვევაში) გარეთ, მიიღება თვის ბოლოს, მას შემდეგ რაც მონიტორინგი ჩაუტარდება სააღდგომო მიმოსვლის გავლენას გადამდებ მრუდზე. - განაცხადა ანდრეა კოსტამ.

მაისში, ნიღბების აკრძალვის შესახებ, მეცნიერებს განსხვავებული მოსაზრებები გააჩნიათ. მიკრობიოლოგი, ანდრეა კრისანტი ნიღბების ტარებას, მხოლოდ მოხუცებსა და სუსტ ადამიანებს მეოთხე დოზასთან ერთად სთავაზობს.  „ომიკრონთან ერთად პარადიგმა შეიცვალა და შეუძლებელი გახდა ვირუსის გავრცელების კონტროლი, რაც აჩვენა შანხაიში არსებულმა ვითარებამ, სადაც კვლავ გამოცხადდა ერთ თვიანი კარანტინი“.

ასე არ ფიქრობს მასიმო გალი: "დახურულ სივრცეში ნიღბის ტარების ვალდებულება არ უნდა გაუქმდეს, ასევე საზოგადოებრივ ტრანსპორტში".

ჯანდაცვის უმაღლესი საბჭოს პრეზიდენტმა, ფრანკო ლოკატელიმ, ჯანდაცვის სამინისტროში ვაქცინაციის კამპანიის გაგრძელების თაობაზე გამართულ პრესკონფერენციაზე მკაფიოდ აღნიშნა: „ნიღბების გამოყენება არ  გამოყენებაზე არჩევანი პოლიტიკური გადაწყვეტილების მიმღებზეა, მაგრამ მე მჯერა, რომ ნიღაბი გარკვეულ კონტექსტში, როგორიცაა საზოგადოებრივი ტრანსპორტი, კინო და თეატრი, აბსოლუტურად მნიშვნელოვან და ფუნდამენტური დაცვის როლს ასრულებს, მე გავაგრძელებ მის ტარებას. საგანგებო მდგომარეობა დასრულდა, მაგრამ პანდემია არ დასრულებულა".

მთავრობა ჯერ კიდევ განხილვის პროცესშია. საბოლოო გადაწყვეტილება იტალიელებისთვის ცნობილი, რამდენიმე დღეში იქნება.