ქალაქის მერმა ღამე უსახლკაროებთან ერთად გაატარა

ბოლონიის მერი მატეო ლეპორე უსახლკაროებთან ერთად ღამეს ქუჩაში ატარებს. ამის შესახებ ინფორმაციას ადგილობრივი მედია ავრცელებს. 

მერმა ღამე, იმ ადამიანებთან ერთად გაატარა, რომლებიც უსახლკაროებს ეხმარებიან. „უსახლკაროთა თავშესაფრები ყოველთვის სავსეა, მაგრამ ვთხოვ მოქალაქეებს გვითხრან ვის სჭირდება.“

ლეპორემ ღამე ქუჩაში უსახლკაროთა და იმ ოპერატორებთან ერთად გაატარა, რომლებსაც ყოველ საღამოს მათთვის საბანი ან ცხელი სასმელი მიაქვთ. ასეთი არჩევანით მან გადაწყვიტა “პირადად გაერკვია, რას აკეთებს სისტემა მათთვის“. მისი ამ გადაწყვეტილების ერთ-ერთი მიზეზიც ტემპერატურის მკვეთრი ვარდნაც გახდა.

„ჩემთვის, როგორც მერისთვის, მნიშვნელოვანი იყო ქუჩაში გასვლა იმ ოპერატორებთან ერთად, რომლებიც წლების განმავლობაში მუშაობდნენ საჯარო სერვისებთან და სოციალურ რეალობებთან.

ბოლონიაში, უსახლკაროთა საერთო საცხოვრებლებში 550 საწოლია ხელმისაწვდომი, ყოველ საღამოს უამრავ ადამიანს მასპინძლობს, მაგრამ არის ასევე ოთხმოცდაათამდე ადამიანი, ვისაც სურს დარჩეს ქუჩაში დასაძინებლად, თუნდაც სიცივეში. 

„ძალიან ბევრი მოქალაქეა, ვინც ამ ადამიანებს შესახებ გვატყობინებს. უსახლკაროებს აქვთ ძალიან ტრაგიკული ოჯახური წარმომავლობა და თუ ქუჩაში დარჩენას ირჩევენ, ეს საზოგადოების გასაღიზიანებლად კი არ არის, არამედ იმიტომ, რომ მათ ხშირად აქვთ ძალიან მძიმე და სერიოზული ფსიქოლოგიური და ეკონომიკური მდგომარეობა. ჩვენ უნდა ვიზრუნოთ მათზე და მჯერა, რომ ბოლონია ძალიან კარგად არის მომზადებული, ასევე პროფესიული თვალსაზრისით.“ - აღნიშნა მატეო ლეპრემ.

აგრეთვე დაგაინტერესებთ:

📌 "ნატოს კარი ღიაა და ღიად დარჩება. წერტილი" - აშშ-ის სახელმწიფო მდივანი

📌 "მადლობა ყველაფრისთვის!" - ნინო სურგულაძე ჯანო ბაგრატიონს ემშვიდობება

📌 საფრანგეთის ჯანმრთელობის დაცვის მინისტრს “კოვიდ19” დაუდასტურდა