რატომ მოკლა მდგმურმა 23 წლის გოგო - ნეაპოლი

"ხმებმა მითხრეს, რომ მე ეს უნდა გამეკეთებინა" - განუცხადა 31 წლის ელპიდიო დ'ამბრამ პოლიციას აღიარებითი ჩვენებისას და ამით, 23 წლის როზა ალფიერის მკვლელობა დაადასტურა.

გოგონა რამდენიმე დღის წინ, საკუთარი მამის სახლში, რომელსაც მკვლელი ქირაობდა, დამხრჩვალი იპოვეს. დ'ამბრამ მკვლელობა აღიარა, მაგრამ უარყოფს სექსუალურ ძალადობას, როგორც ეს ბრალდების ოქმში წერია. 

ბრალდებულის ჩვენების თანახმად, მან გოგონა სახლში შეიხმო, კომუნალური გადასახადის ქვითრებზე ინფორმაციის საკითხავად. საუბრისას კი ჩაესმა ხმები, რომლებიც მოქმედებისკენ მოუწოდებდნენ. 

დ'ამბრამ ასევე აღიარა, რომ მუდმივად მოიხმარს კოკაინს და მკვლელობის დღესაც დოზა მიღებული ჰქონდა. მკვლელი ესპანეთიდან ახალი დაბრუნებული იყო, სადაც ასევე ჰქონდა პრობლემები კანონთან.

პოლიცია აუტოფსიის შედეგს ელოდება, მაგრამ წინასწარ მოკვლევით, მამაკაცმა გოგონასთან სექსუალური კავშირის დამყარება სცადა და უარის შემდეგ დაახრჩო. დიდი ალბათობით პირი ნაჭრით დაუფარა, რომ გოგონას ყვირილი მეზობლებს არ გაეგოთ. 

მსხვერპლის ნათესავის თქმით, ოჯახს ეჭვი არ ეპარება, რომ მკვლელმა როზას გაუპატიურება სცადა და ამას მსვერპლის ყელზე ნაკაწრებიც მოწმობს.