SANATORIA 2020 - რა საბუთები უნდა წარადგინოთ პრეფექტურაში გამოცხადებისას

რა დოკუმენტები უნდა წარადგინოს  პრეფექტურაში გამოცხადებისას პირმა, ვისაც ბინადრობის ნებართვის მისაღებად განაცხადი, "SANATORIA 2020"-ის ფარგლებში აქვს გაკეთებული? დაქირავებულმა უცხოელმა პრეფექტურაში უნდა წარადგინოს:

• პასპორტის, ან ექსპატრიაციისთვის მოქმედი დოკუმენტის ასლი (ყველა გვერდი);
• დამადასტურებელი მოწმობა, რომ უცხოელი 2020 წლის 8 მარტამდე იყო შემოსული იტალიის ტერიტორიაზე, გაცემული საჯარო ორგანოს მიერ, იმ შემთხვევაში თუ არ აქვს აღებული  თითის ანაბეჭდები (მაგ. საზღვრის გადმოკვეთისას), ბეჭედი პასპორტში არ არის საკმარისი.
• საცხოვრებლის ქირავნობის ხელშეკრულება, თუნდაც არ იყოს რეგისტრირებული. იმ შემთხვევაში, თუ უცხოელი ცხოვრობს დამსაქმებლის სახლში, ან სტუმრად მიღების დოკუმენტით, საკმარისია საზოგადოებრივი უსაფრთხოების კომპეტენტურ ორგანოში წარდგენილი/გაგზავნილ იყოს cessione fabbricato-ს დოკუმენტი.
• სერტიფიკატი "idoneità alloggiativa", დოკუმენტი, რომელიც ადასტურებს, რომ საცხოვრებელი ფართი ექვემდებარება, რეგიონული კანონით დადგენილ მინიმალურ პარამეტრებს. აღნიშნულ დოკუმენტს  გასცემს, როგორც მერია (Comune), ასევე პოლიკლინიკა (ASL).

რაც შეეხება დამქირავებლის დოკუმენტებს:

• საჭიროა დამსაქმებლის პირადობის დამადასტურებეი მოწმობა (Carta d'identità)
• ფისკალური კოდი (Codice fiscale)
• ბოლო დეკლარაცია, ანუ 7 30 ან Unico-ს, გაგზავნის ელექტრონული ქვითრით
• თუ უცხოელზე განაცხადი გაკეთებულია, როგორც ოჯახის დამხმარე/შინამოსამსახურე, თუ ოჯახში ფიქსირდება ერთზე მეტი წევრი, განმცხადებელმა უნდა წარადგინოს ოჯახის საერთო შემოსავლის დოკუმენტი
• თუ უცხოელზე განაცხადი გაკეთებულია როგორც პათოლოგიის მქონე, ან შეზღუდული შესაძლებლობის  მქონე პირის დამხმარედ/მომვლელი, განმცხადებელმა უნდა წარადგინოს ამ პირის ავადმყოფობის ცნობა, შეზღუდული შესაძლებლობის დადასტურება (documentazione sanitaria attestante la limitazione dell'autosufficienza del soggetto), წარდგენილ უნდა იქნეს - სამოქალაქო ინვალიდობის ოქმი, ან მკურნალი ექიმის ცნობა, რომელიც ადასტურებს შეზღუდულ შესაძლებლობას
• 500 ევროს ერთჯერადი შენატანის  გადახდის ქვითარი
• ფიქსირებული გადასახადების (Contributi) გადახდის ქვითარი
• საკონტრიბუციო და ფისკალური ცნობა, მათთვის ვინც Inps-ში უკვე დააფიქსირა სამუშაო ხელშეკრულება, "კონტრიბუტის" გადახდა აუცილებელია პრეფექტურაში გამოძახებამდე
• INPS-ში რეგისტრირებული სამუშაო ხელშეკრულება, მათთვის, ვინც სამუშაო ურთიერთობის  დაწყების  თარიღი  არ მიუთითა. აქ იგულისხმება მხოლოდ შინამოსამსახურის (Colf, Domestico) შემთხვევა.

მაკა ხაჩოშვილი სპეციალურად ExclusiveTV-თვის ნეაპოლიდან