სიცილიაზე მიმდინარე ჭადრაკის მსოფლიო ტუნრე, პირველი საჭადრაკო სვლით, საქართველოს გენერალურმა კონსულმა ვახტანგ ანდუღალეძემ გახსნა

ქალაქ ბარიში არსებული გენერალური საკონსულოს ინფორმაციით, 26 ოქტომბრიდან, 6 ნოემბრამდე ჭადრაკის საერთაშორისო ფედერაციისა და იტალიის ჭადრაკის ფედერაციის ეგიდით, სიცილიაზე მიმდინარეობს მსოფლიო ტურნირი "FIDE 2023“. 

შეეჯიბრა მასპინძლობს სხვადასხვა ქვეყნის ეროვნული ფედერაციებიდან 271 მოთამაშეს, რომლებიც ასპარეზობენ მსოფლიოს უფროსი ასაკის მოჭადრაკეთა შორის, 50+, 60+ და მოჭადრაკე ქალთა კატეგორიებში, ჩემპიონის ტიტულისათვის.

ჩვენ ქვეყანას წარმოადგენს მსოფლიო დიდოსტატი, ქალბატონი ნონა გაფრინდაშვილი. საჭადრაკო ჩემპიონატზე, სტუმრის სტატუსით მიწვეულმა, ქ. ბარიში საქართველოს გენერალურმა კონსულმა ვახტანგ ანდღულაძემ, ჩემპიონატის მეოთხე წრე გახსნა და შეასრულა პირველი სვლა საჭადრაკო დაფაზე.

აღსანიშნავია, რომ ქალბატონმა ნონამ ჩაატარა ბლიც ტურნირები, რომელმაც დიდი ინტერესი გამოიწვია, როგორც პროფესიონალ მოჭადრაკეთა, ასევე ახალგაზრდა თაობის დამწყებ მოჭადრაკეთა შორის.

ასპარეზობას ესწრებოდა ასევე, ქალაქ პალერმოში საქართველოს საპატიო კონსული ქალბატონი, ლეონარდა ამელლა, რომლის ორგანიზებით გაიმართა ქალბატონ ნონასთან პრესკონფერენცია და სიცილიაზე მყოფ ქართულ დიასპორასთან შეხვედრა.