დემენციის ნაადრევი, ნაკლებად ცნობილი სიმპტომი, რომელიც ნაადრევად შეიძლება გამოვლინდეს

დემენციის მრავალი სახეობა არსებობს. მათგან ყველაზე გავრცელებულია ალცჰაიმერის დაავადება და სისხლძარღვთა დემენცია. დაავადების დიაგნოსტიკა უკვე 45 წლის ასაკში შესაძლებელია.

ამჟამად დემენციის სამკურნალო წამალი არაა, მაგრამ ნაადრევი დიაგნოსტიკა პროგრესის შენელებას ხელს უწყობს. დემენციის მეტ-ნაკლებად ცნობილი სიმპტომებია მეხსიერების დაკარგვა და გონების დაბინდვა. ადამიანები, რომელთაც ამ დიაგნოზის დასმის ეშინიათ, შეიძლება მოელოდნენ, რომ ეს ორი სიმპტომი პირველი გამაფრთხილებელი ნიშანი იქნება.

ბოლო კვლევების თანახმად, პირველი ჩვენება, რომელიც დემენციის მქონე პაციენტების თითქმის ნახევარს ეხება, განსხვავდება. ექსეტერის უნივერსიტეტის (The University of Exeter) მონაცემებით, ნაკლებად ცნობილი სიმპტომი, რომელიც ნაადრევად შეიძლება გამოვლინდეს, აპათიაა.

აპათია – მოტივაციის უქონლობა რაიმეს გასაკეთებლად ან გულგრილობა იმის მიმართ, რაც გარშემო ხდება. დემენციის მქონე პაციენტებში აპათიის გრძნობა შეიძლება გამოვლინდეს წინა გატაცების მიმართ ინტერესის დაკარგვით ან ქუჩაში გასვლის სურვილის არ ქონით. კვლევის ფარგლებში განიხილეს ალცჰაიმერით დაავადებული 4320 მონაწილის მონაცემები, რომლებიც 20 კოჰორტული კვლევის შედეგად შეაგროვეს. შედეგებმა აჩვენა, რომ მონაწილეების 45% კვლევის დასაწყისში აპათიური იყო. 20%–ში ეს ნიშანი უფრო დიდხანს გაგრძელდა. კვლევამ აჩვენა, რომ ბევრ პაციენტს აპათიის ნიშნები ჰქონდათ, მაგრამ დეპრესიის დიაგნოზი არ დაუსვეს. სავარაუდოდ, აპათია შეიძლება სხვა მიზეზით იყოს გამოწვეული.

აპათია დემენციის მქონე ადამიანებში საკმაოდ ხშირად გვხვდება. ალცჰაიმერის ასოციაციის მონაცემებით, პაციენტების 50-დან 70%–ს ეს სიმპტომი აწუხებს.

აგრეთვე დაგაინტერესებთ:

📌 მალე, ქალაქ ბარში ქართველებისთვის სასწავლო ცენტრი გაიხსნება - გაიცანით, 4 შვილის დედა და იტალიური ენის მასწავლებელი იტალიაში, ვიქტორია ცუხიშვილი

📌 იტალიამ საკუთარ მოქალაქეებს უკრაინის დატოვებისკენ მოუწოდა - იტალია აღიარებს უკრაინის ტერიტორიულ მთლიანობას

📌 ვინ არის იტალიის ყველაზე მდიდარი და "ღარიბი" პოლიტიკოსი