"ამ გასაცოდავებულ ქვეყანაში, ნეტა საიდან შემოვიდა სკოლის დამთავრების, ოჯახის შექმნის, აღნიშვნის ეს ძვირად ღირებული რაღაცები? - სქესის გაგებისას, ისევ ხარჯები, მორთვა, გადაღება, ბათქა-ბუთქი, ეგრევე ნერვოზიანი იბადება ბავშვი"

კასპში მოღვაწე სასულიერო პირი მამა ლევანი (ჯიქური) სოციალურ ქსელში წერს:

"ამ გასაცოდავებულ ქვეყანაში, ნეტა საიდან შემოვიდა სკოლის დამთავრების, ოჯახის შექმნის, აღნიშვნის ეს ძვირად ღირებული რაღაცები? დაამთავრე დაამთავრე, რა ამბავია ამდენი კინო გადაღებები და ბანკეტები სხვადასხვა ადგილებში.

ხელის თხოვნაა და წავიდა გადაღება, მორთვა, ამბები.

ერთ კვირაში ქორწილი გაქვს, რაღა უნდა ეს ცერემონია?

მერე, ქორწილში ლიმუზინი, სახმელეთო, საჰაერო და საზღვაო გადაღება, სხვადასხვა სამოსი და ა.შ. ქორწილის შემდეგ, აუცილებლად ფოტოები აქლემზე ან ეიფელთან, ისე გინდა დაქორწინებულხარ გინდა არა.

სქესის გაგებისას, იტყვი ცოტნე დადიანი უნდა დაიბადოს, ისევ ხარჯები, მორთვა, გადაღება, ბათქა-ბუთქი, ეგრევე ნერვოზიანი იბადება ბავშვი.

და სანამ ყველა სერია დამონტაჟდება, უკვე ნაჩხუბრები არიან.

"ფინანსური პრობლემები აქვთ".

აბა რა იქნება შე კაი დედმამიშვილო, ელისაბედ მეორესავით გინდა ყველაფერი, რაც გქონდათ დახარჯეთ, მშობლებიც გაწყდნენ წელში.

ზოგს ამ კინოების თავი რომ არ აქვს, ცოლი ვეღარ მოუყვანია შიშით, თუ არ მოსდევენ რა ვიცი.

მოკლედ, ეკლესიურად უნდა იცხოვროთ, თქვენი წარმომავლობის და გონივრულად შეფასებული შესაძლებლობის უნდა გინდოდეთ ყველაფერი და ნახეთ როგორ დამშვიდდებით.

ღმერთი აბედნიერებს ოჯახებს, აქლემები, დრონები და პირამიდები კი არა", - წერს სასულიერო პირი.

ასევე დაგაინტერესებთ:

* "ვისაც ან საკვებით, ან ტანსაცმლით ან წიგნებით დახმარება შეგიძლიათ, დაგაკავშირებთ ამ ოჯახს" - ირმა ინაშვილი მარტოხელა დედის ისტორიას ავრცელებს, რომელსაც საზოგადოების დახმარება ესაჭიროება

* "ბოლნისმა ნიჭიერი, სიცოცხლით სავსე ნინო ჯაფარიძე დაკარგა" - ბოლნისის მერი სამწუხარო ინფორმაციას აქვეყნებს

* უკრაინამ ირანის ელჩს აკრედიტაცია გაუუქმა