"არჩევანის უფლება, რასაც მინდა იმას რომ ავირჩევ, სწორედ ღვთისგან არის მინიჭებული - ირონიული ისაა, რომ საქართველოში, ამ უფლებას ეკლესიის სახელით გართმევენ"

სასულიერო პირი, მამა ანდრია სარია სოციალურ ქსელში წერს:

"თანასწორობის პრინციპი საქართველოში

თანასწორი უფლება სიცოცხლისა ყველასთვის მინიჭებულია ღვთისგან.

თუმცა, საქართველოში ადამიანის უფლებებისადმი უპატივცემულობის არაერთ მაგალითს ჰქონია ადგილი ეკლესიის მხრიდან, რაც სამწუხაროა.

გავიხსენოთ 17 მაისი და 5 ივლისი.

სასულიერო პირების მხრიდან ძალადობრივი მოწოდებები ჟურნალისტებზე, უმცირესობების მიმართ, რამაც ტრაგედიაც გამოიწვია და გარდაიცვალა ლექსო ლაშქარავა.

ქრისტიანობა დაშენებულია სიყვარულზე, რომელიც ძალადობისგან დაცლილია და ამავე დროს არც აღიარებს ძალადობრივი მეთოდებით საკუთარი "ინტერესების" დაცვას.

არჩევანის უფლება, რასაც მინდა იმას რომ ავირჩევ, სწორედ ღვთისგან არის მინიჭებული.

ირონიული ისაა, რომ საქართველოში, ამ უფლებას ეკლესიის სახელით გართმევენ და თუ კონსერვატიულ ხედვებს არ იზიარებ,დეკანოზ  ცქიფურიშვილმა შესაძლოა სიცოცხლის უფლებაც წაგართვას.

გავიხსენოთ მისი ცნობილი მოწოდება: "არა ძალადობას კი არა, ვალდებული ხართ იძალადოთ"... ამან შვა სიკვდილი და გაზარდა პოლარიზაცია, ქრისტიანული სამართალი კი მოითხოვს ყველასთვის თანაბარ უფლებას, რაც უნდა დავაბრუნოთ ქართულ ეკლესიაში.

სახელმწიფოსა და ეკლესიის უკუღმართი თანამშრომლობა ანადგურებს ადამიანის ფუნდამენტურ უფლებებს იცხოვროს დამოუკიდებელ და თანასწორ პირობებში უმრავლესობასთან ერთად უმცირესობამ, მიუხედავად აზრთა სხვადასხვაობისა.

არ შევუშინდეთ სიმართლის თქმას, თუნდაც უმცირესობაში მოგვიწიოს ყოფნა, ყველაფერი იმპერიული და უსამართლო საბოლოოდ რღვევას უნდა დაექვემდებაროს, ეს არის საჯარო თეოლოგიის მიზანიც.

ესაიას სიტყვებით დავასრულებ: "სიკეთის ქმნა ისწავლეთ, ეძიეთ სამართალი, შეეწიეთ ჩაგრულს, განიკითხეთ ობოლი, ქვრივს გამოესარჩლეთ"(1.17)",- წერს სასულიერო პირი.

ასევე დაგაინტერესებთ:

📍"წმინდა ნინო ნამდვილად ბრძენი ქალწული იყო" - მეუფე შიო

📍მიხეილ სააკაშვილს აქვს პოსტტრავმული სტრესული აშლილობა, დაუზუსტებელი დემენცია - ბრიტანელი ექსპერტი