"ბავშვზე მოძალადე ადამიანი, როგორ შეიძლება იყოს სახალხო დამცველის კანდიდატად წარდგენილი" - ნიკოლოზ ბასილაშვილის მამა ნეკა დოროყაშვილის ადვოკატზე

ნეკა დოროყაშვილის ადვოკატი, არასამთავრობო ორგანიზაცია "პარტნიორობა ადამიანის უფლებებისთვის" ხელმძღვანელი ანა აბაშიძე არასამთავრობო ორგანიზაციებმა სახალხო დამცველობის კანდიდატად დაასახელეს.

ამ ამბავს სოციალური ქსელის მეშვეობით ჩოგბურთელ ნიკოლოზ ბასილაშვილის მამა ნოდარ ბასილაშვილი ეხმაურება და წერს:

"ბავშვზე მოძალადე ადამიანი როგორ შეიძლება იყოს სახალხო დამცველის კანდიდატად წარდგენილი, ბავშვის საუკეთესო ინტერესებიდან გამომდინარე არის ის, რომ ბავშვმა არ უნდა ნახოს და არ უნდა ჰქონდეს კონტაქტი მშობელ მამასთან?

ეს არის ბავშვის საუკეთესო ინტერესებიდან გამომდინარე?

უფლებადამცველი ანა აბაშიძე, ეს არის ქალბატონი, რომელმაც ჩაიდინა დანაშაული ბავშვის მიმართ, ყველაფერი გააკეთა ისე, რომ  ნიკა ბასილაშვილს აუკრძალეს შვილის ნახვა უკვე მეოთხე წელია.

იძალადეს ბავშვზე აიძულეს ხუთი წლის ბავშვი ელაპარაკა მოგონილ და ტყუილ ამბებზე და ეს ყველაფერი ჩაიწერეს ვიდეოზე.

ნუთუ ეს დანაშაული არ არის?

და ამ ქალბატონს ჰქვია უფლებადამცველი", - წერს ნოდარ ბასილაშვილი.

ნიკოლოზ ბასილაშვილის სასამართლო პროცესზე მასა და მის ყოფილ მეუღლეს, ნელი დოროყაშვილს შორის არსებული დაპირისპირების ამსახველ აუდიო და ვიდეო მტკიცებულებებს იკვლევენ.

სასამართლო დავა დასკვნით ეტაპზეა. პროცესი უკვე ორი წელია, გრძელდება.

* "ვიდეოს მომიშვერდა რატომ მცემო, ეს იყო დაგეგმილი და დარიგებული არასამთავრობოებისგან, რა სიტყვა ეთქვა ვიდეოში" - ნიკოლოზ ბასილაშვილი

* "რა მატყუარაა ეს ბიჭი" - ბაია პატარაია ნიკოლოზ ბასილაშვილს პასუხობს