"ჩემთვის მონაზონიც, მცხობელიც, დიასახლისიც და ავტობუსის მძღოლი ქალიც ქალია და ვინც მონაზონს თქვენივე დედაზე, დაზე, ქალიშვილზე და ნაცნობ ქალზე წინ აყენებთ, გაცილებით საშიში ხართ, ვიდრე ვინმე სხვა..."

მსახიობი ეთო გუგავა სოციალურ ქსელში წერს:

"ქალებზე ძალადობა რანაირად გაიმიჯნა და მონაზონზე ძალადობა ზეაღმატებულ ჭრილში რატომ ან როგორ მოექცა?

რას ჰქვია არც ერთი ადვოკატი არ იცავს ბრალდებულებს?

ანუ ქმარი ცოლს რომ აჩეხავს, ესვრის, დაკუწავს, დაწვამს ან შეჭამს , მას ვინმე დაიცავს, ხოლო მონაზონზე მოძალადეს არასდროს არავინ?

ხვდებით ამ საქციელით ქალის როლი კიდევ უფრო როგორ დაკნინდა?

რა გამოდის? მონაზონი რომელიმე სხვა ქალზე უფრო ქალია?

მონაზონი ვინც გააუპატიურა, უფრო დამნაშავეა, ვიდრე შვილების წინ ცოლის ამჩეხავი?

სანამ ამას ნორმალურად მივიჩნევთ, სანამ მონაზონზე თავდამსხმელისთვის შემგინებელთა რიგში ჩავდგებით, ხოლო ვინმე დანით აჩეხილ ნინოზე ან მარიამზე მხოლოდ ნწნწნწს გამოვიმეტებთ, მანამდე სულ ასე ვირთხებივით ვიცხოვრებთ და ერთმანეთს დავჭამთ..

ვიღაც კაცები გამოცვივდნენ, მივიდნენ სასამართლოსთან, გაიყინნენ, ელოდნენ , მოასწრეს და შეაგინეს დამნაშავეს, ხოლო ყოფილ ცოლზე მოძალადე პირუტყვზე ხმასაც არ იღებენ.

ჩემთვის მონაზონიც, მცხობელიც, დიასახლისიც და ავტობუსის მძღოლი ქალიც ქალია და ვინც მონაზონს თქვენივე დედაზე, დაზე, ქალიშვილზე, მეზობელ და ნაცნობ ქალზე წინ აყენებთ, გაცილებით საშიში ხართ, ვიდრე ვინმე სხვა...", - წერს მსახიობი.