ლიზა იასკო მიხეილ სააკაშვილზე: არც კი ვიცი რა სიტყვებით ვამცნო მთელ მსოფლიოს, რომ მიშა სულ უფრო და უფრო ცუდადაა - ბოლო დღეებში მისი წონა 68 კგ გახდა და ის შშმ პირის ეტლით გადაადგილდება

უკრაინის უმაღლესი რადას დეპუტატმა და საქართველოს ექსპრეზიდენტის, მიხეილ სააკაშვილის მეგობარმა ქალმა ლიზა იასკომ სოციალურ ქსელში დაწერა, რომ საქართველოს მესამე პრეზიდენტს სასწრაფოდ სჭირდება ისეთ საავადმყოფოში გადაყვანა, სადაც იქნება უსაფრთხო გარემო და შესაბამისი მკურნალობა.

იასკოს თქმით, რუსული პროპაგანდა ნამდვილად კარგად მუშაობს და სხვადასხვა ტექნოლოგიებით ხდება სააკაშვილის ჯანმრთელობის მდგომარეობის შესახებ სიმართლის დისკრედიტაცია და გაუფასურება.

"არაფერს არ ვწერ ქართულ პოლიტიკაზე, არაფრის თქმა არ მსურს მაგაზე, როდესაც მიშას ასეთი უბედურება სჭირს.

მიხეილ სააკაშვილი სულ უფრო და უფრო ცუდადაა.

ესენი კი გვიყვებიან, რომ ის კარგად არის.

საერთაშორისო ექსპერტიზის შედეგები სულ სხვა რამეზე მეტყველებს და მას სასწრაფოდ სჭირდება ისეთ საავადმყოფოში გადაყვანა, სადაც იქნება უსაფრთხო გარემო და შესაბამისი მკურნალობა. 

ბოლო დღეებში მისი წონა 68 კგ გახდა და ის შშმ პირის ეტლით გადაადგილდება.

კარგავს გონებას, ასევე გაურთულდა ნევროლოგიური და გასტროენტეროლოგიური პრობლემები.

არც კი ვიცი რა სიტყვებით ვისაუბრო ამის შესახებ და ვამცნო მთელ მსოფლიოს.

რუსული პროპაგანდა ნამდვილად კარგად მუშაობს და სხვადასხვა ტექნოლოგიებით ხდება მიშას ჯანმრთელობის მდგომარეობის შესახებ სიმართლის დისკრედიტაცია და გაუფასურება", – წერს ლიზა იასკო.

ასევე დაგაინტერესებთ:

* ცენტრალურ მაგისტრალზე ავტოსაგზაო შემთხვევის შედეგად, ორი ადამიანი დაიღუპა

* სამტრედიაში, კორპუსის სახურავიდან მუშა გადმოვარდა და დაიღუპა