"ნაცმოძრაობა სპეკულირებს დაღუპულებით - დაღუპულები, რომ არ ადარდებდათ, 2008 წელს დავინახეთ. რატომ უნდა დავიჯერო, რომ ახლა აწუხებთ?! - ყველას დაკრძალავენ სამხედრო პატივით და ყველა ოჯახს დაუდგებიან გვერდში, როგორც მანამდე ხდებოდა"

"ნაცმოძრაობა სპეკულირებს დაღუპულებით - დაღუპულები, რომ არ ადარდებდათ, 2008 წელს დავინახეთ.  რატომ უნდა დავიჯერო, რომ ახლა აწუხებთ?!",- ამის შესახებ თადარიგის გენერალი, პოლიტიკის ანალიტიკოსი ამირან სალუქვაძე სოციალურ ქსელში წერს.

"ნაცმოძრაობა რომ სპეკულირებს დაღუპულებით, არ მიკვირს.

უფრო ზოგიერთი სერიოზული ადამიანის ("პოლიტიკის თადარიგში" მყოფნი, ხელოვნების, სპორტის წარმომადგენლები და ა.შ.) პოსტი ან კომენტარი მაკვირვებს, ამათ აჟიოტაჟს რომ აყვებით ხოლმე.

ძალიან კარგად იცით სამძიმარსაც გამოხატავს ყველა, იმ ფორმით, რა ფორმასაც მოითხოვს ის გარემოება, რომ ჩვენ ომის სამხედრო ნაწილში არ ვართ ჩართულნი, მხოლოდ პოლიტიკურ, იურიდიულ და ჰუმანიტარულ ნაწილებში, გადმოსვენებისთვისაც ყველაფერი გაკეთდება (ყველა დაღუპულის გადმოსვენება აქამდე საელჩოს მიერ იქნა ორგანიზებული), ყველას დაკრძალავენ სამხედრო პატივით და ყველა ოჯახს დაუდგებიან გვერდში, როგორც მანამდე ხდებოდა.

თქვენ რა გაგიკეთებიათ?!

ღმერთმა ქნას დანარჩენები ცოცხლები დაბრუნდნენ.

იციან ეს ყველაფერი, მაგრამ უკვე მერამდენედ ერთი და იგივე სცენარით მოქმედებენ. იმათი მესმის, მაგრამ, ვიმეორებ, ზოგიერთის მიკვირს.

ნაცმოძრაობას დაღუპულები რომ არ ადარდებთ, 2008 წელს დავინახეთ.

რატომ უნდა დავიჯერო, რომ ახლა აწუხებთ?!

2008 წელს არცერთი გამოსვლისას, არცერთ ლიდერს (გუშინ შეგნებულად სააკაშვილის 12 აგვისტოს სიტყვა მოვისმინე) ერთი დაღუპული სამხედრო არ უხსენებიათ არც უშიშროების საბჭოებზე, არც ინტერვიუებში.

ახლაც არ გადარდებთ, მხოლოდ პოლიტიკურ სარგებელს ეძებთ.

პლუს სხვა მიზანი გაქვთ, აღარ განვავრცობ", - წერს სალუქვაძე.

ასევე დაგაინტერესებთ:

* "შავი ლენტები თუ გინდათ, სახლებში შეაბით საკუთარ ნაძვის ხეებს" - პასუხი ელენე ხოშტარიას