"პარტიამ დემოკრატიული არჩევნებით ქვეყანა ჩიხიდან გამოიყვანა" - კახი კალაძე "ქართული ოცნების" 10 წლის იუბილეს ეხმაურება

თბილისის მერი კახი კალაძე, პარტია "ქართული ოცნების" დაარსებიდან 10 წლის იუბილეს ეხმიანება და აცხადებს, რომ პარტიამ დემოკრატიული არჩევნებით ქვეყანა ჩიხიდან გამოიყვანა.

"10  წლის  წინ  საქართველოს  მოსახლეობის  სულისკვეთების  მხარდამხარ,  საქართველოს  საოცნებო  მომავლის  შენების  სურვილით  გულანთებულები  შევიკრიბეთ  ბიძინა ივანიშვილის  ირგვლივ  და  დავაარსეთ  პარტია „ქართული  ოცნება-დემოკრატიული  საქართველო“.  

ჩვენმა  პარტიამ  მოახერხა  ქვეყანაში  არსებული  მაშინდელი  პოლიტსპექტრის  კონსოლიდაცია,  დემოკრატიული არჩევნებით  ქვეყნის  ავტოკრატიული  ჩიხიდან  გამოყვანა  და  საქართველოს  სწორი,  ევროპული  არჩევანისკენ  სავალ  გზაზე  დაბრუნება!

დიდი  გამოწვევაა  პარტიისთვის  გარე  მტრისგან  მომავალ  საფრთხეებთან  გამკლავება,  დიდი  ტვირთია  შინაურ  მტერთან  პოლიტიკური  დაპირისპირება,  ყოველმხრივ  გააზრებული  პოლიტიკის  გატარება  და  ამ  რთულ  ვითარებაში ქვეყნის  სწორად  მართვა.

ამავდროულად, დიდი  სტიმულია  ხალხის  ნდობა  და  მხარდაჭერა.

დიდი  პასუხისმგებლობაა  დასახული  მიზნებისკენ  სვლა  და  უდიდესი  ვალდებულებაა  ქვეყნის  წინსვლაში,  სწორად  განვითარებაში  პარტიული  კვალის  დატოვება-უკეთესი საქართველოსთვის,  მშვიდობიანი საქართველოსთვის,  დოვლათიანი  საქართველოსთვის,  ჩვენი  ყველას  საოცნებო  საქართველოსთვის!",- აცხადებს თბილისის მერი კახი კალაძე.

ასევე დაგაინტერესებთ:

📍NDI: საქართველოში გამოკითხულთა 59%-ი რუს ხალხს დადებითად აფასებს

📍"ეს არის ხმოვანი სიგნალის აპარატი, უსინათლო და მცირემხედველი პირებისათვის - ერთი ცალი ეს აპარატი მინიმუმ 500 ევრო ღირს, უკვე ყოველდღიურობა გახდა მათი მიზანმიმართულად დამტვრევის და დაზიანების ფაქტები" - გიგა სოფრომაძე