„სისტემა, შსს, კანონი და დავალება სჭირდება იმას ასეთი არაკაცი რომ არ იყო რასაც ახლა ეკრანზე ვუყურებთ?“ - თინა ხიდაშელი პოლიციელის მხრიდან მოქალაქის ცემის ფაქტზე

თავდაცვის ყოფილი მინისტრი თინა ხიდაშელი სოციალურ ქსელში გავრცელებულ შემზარავ ვიდეომასალას ეხმაურება, რომელშიც ჩანს, როგორ სცემს პოლიციელი შეზღუდული შესაძლებლობების მქონე პირს.

„ნახევარი საათია ეკრანს დავყურებ. არ ვიცი როგორ დავწერო ის რასაც ახლა ვგრძნობ, ისე რომ თავი არ დავკარგო.

სისტემა, შსს, კანონი და დავალება სჭირდება იმას ასეთი არაკაცი რომ არ იყო რასაც ახლა ეკრანზე ვუყურებთ?

არასოდეს რომ არ დაისაჯა პოლიციელი ადამიანებზე ძალადობის და წამებისთვის ვიტყვით იმის ბრალიაო და მეც ასე ვფიქრობ, მაგრამ კიდევ ერთხელ ასეთი არაკაცი რომ არ იყო რასაც ახლა ეკრანზე ვუყურებთ ამას კანონი და სისტემა სჭირდება?“, - წერს თინა ხიდაშელი ფეისბუკის საკუთარ გვერდზე.

შინაგან საქმეთა სამინისტროს განცხადებით, პოლიციელის მიერ ახალგაზრდა კაცის ცემის ვიდეოკადრებზე მოკვლევა დაიყო და მასალები უკვე გადაეგზავნა სახელმწიფო ინსპექტორის სამსახურს.

„ტელეკომპანია პირველმა“ გაავრცელა ვიდეოკადრები, რომელზეც ჩანს, რომ სამართალდამცავი ახალგაზრდა კაცს ერთ-ერთ მეტროსადგურში ფიზიკურად უსწორდება.

ვიდეომასალაზე ასახულია, რომ სამართალდამცველს მოქალაქე  შეკრული ხელებით ესკალატორზე აჰყავს, შემდეგ კი ერთ-ერთ ოთახში შეჰყავს და თავისა და სახის არეში ურტყამს.

დღის სხვა ამბები:

🔵 შსს: ინსპექტორის სამსახურმა პოლიციელის მხრიდან ძალადობით უფლებამოსილების გადამეტების ფაქტზე გამოძიება სსკ-ის 333-ე მუხლით დაიწყო (ვიდეო)

🔵 „ქიმიოთერაპიის უმძიმესს კურსს მოსკოვში გავდივარ ... არასდროს არ ვყოფილვარ, ასე ახლოს სიკვდილთან...“ - ლევან ვასაძე მძიმე სენს ებრძვის

🔵 ბათუმში, ზღვამ ქალის ცხედარი გამორიყა