"ეს ქალი გამოექცეოდა მოძალადე ქმარს და მეზობლებში, ქმრისგან დაშინებული, ამბობდა, რომ წაიქცა და შემთხვევით დანაზე, ან ხანჯალზე მიიღო სისხლიანი ჭრილობები. დიახ, ეს იყო ადრე კომუნისტების დროს. მაგრამ ახლა? - პასუხი ერთია – ძალადობა თვითონ მთავრობაშია"

92 წლის პენსიონერი ბლოგერი, ლამარა აბჟანდაძე სოციალურ ქსელში წერს:

"რა ხდება? დღე ისე არ გავა, რომ ძალადობის ახალი მსხვერპლი არ ვიხილოთ. განსაკუთრებით კი მსხვერპლი ქალები არიან.

მე აქ თავს ავარიდებ უცხო სიტყვის ხმარებას (ფემიციდს), რადგან ეს სიტყვა ბევრისთვის გაუგებარია.

სსრკ-ს პერიოდში, საქართველოს ერთ-ერთ ქალაქში ცხოვრობდა ოჯახი, რომელსაც შეწუხებული ჰყავდა მეზობლები. ყოველ დღე ამ ოჯახში წივილკივილი ისმოდა, რადგან მოძალადე მამაკაცი დანით, ხანჯლით თუ სხვა ცივი იარაღით მეუღლეს ატერორებდა.

ქალი ზოგჯერ გამოექცეოდა მოძალადე ქმარს და მეზობლებში, ქმრისგან დაშინებული, ამბობდა, რომ წაიქცა და შემთხვევით დანაზე, ან ხანჯალზე მიიღო სისხლიანი ჭრილობები.

დიახ, ეს იყო ადრე კომუნისტების დროს.

მაგრამ ახლა? რატომ არ აქცევს მთავრობა ქალთა მკვლელობების გახშირებულ შემთხვევებს ყურადღებას?

პასუხი ერთია – ძალადობა თვითონ მთავრობაშია და თავის თავს ხომ არ დაისჯიან? მოძალადეების მსხვერპლ ქალებს იმედი აღარ აქვთ, რომ მათ ვინმე დაიცავს.

მთავრობას და პარლამენტს მივმართავ, დროულად მიიღეთ კანონო მოძალადეების მიმართ, რომ მკაცრად დაისაჯონ.

მათ უნდა ეშინოდეთ კანონის სიმკაცრის.

ისე მათ ვერ შეაჩერებთ", - წერს აბჟანდაძე.

ასევე დაგაინტერესებთ:

* "გაუპატიურებული მონაზონი ქალი 70 წლისა ყოფილა და ისე სასტიკადაა ნაცემი, რომ კატასტროფის მანქანას თბილისში გადმოყავს - ახლა მაინც ამოიღოს ხმა საპატრიარქომ და დაგმოს ქალზე ძალადობა!"

* 29 წლის კაცი, რომელიც ფსიქიკური ჯანმრთელობის ცენტრიდან გადახტა, კლინიკაში გარდაიცვალა