"გაგახაროთ? ამ წამს ვიგებ, რომ..." - რა სასიხარულო ინფორმაციას ავრცელებს გიგა მაქარაშვილი

მოძრაობა „სირცხვილიას“ წევრი, სამოქალაქო აქტივისტი გიგა მაქარაშვილი, რომელიც უკრაინაში იმყოფება, საზოგადოებას პერიოდულად უზიარებს ინფორმაციას უკრაინის მოქალაქეების მხარდამჭერი ღონისძიებების შესახებ.

გიგა მაქარაშვილი ამჯერად სოციალურ ქსელში წერს, რომ მისი ინფორმაციით, საქართველოს ერთ-ერთმა მოქალაქემ მწარმოებელს დაუკვეთა 100 000 დოლარის ღირებულების გენერატორები, რომლებიც მიმდინარე ომის შედეგად დაზარალებულ, ელექტროენერგიის გარეშე დარჩენილ მოქალაქეებს გადაეცემა:

„გაგახაროთ?

ამ წამს ვიგებ, რომ ერთ ოქრო ქართველს პირდაპირ მწარმოებლისთვის დაუკვეთია 100 000$-ის გენერატორები!

ძააალინ, ძააალინ ბევრ უკრაინულ ოჯახში აინთება ნათურა!
ბევრ საავადმყოფოში განათდება საოპერაციოები!
ბევრი ბავშვთა სახლი, მოხუცებულთა თავშესაფარი ამოისუნთქებს.
ყველაფერი გამოგვივა, ჩემო კარგო ქვეყანავ“, – წერს გიგა მაქარაშვილი სოციალურ ქსელში.

ცნობისთვის, სოციალურ ქსელში დაიწყო კამპანია – „Поділися світлом გაუზიარე სინათლე“. 24 დეკემბრამდე, საზოგადოების ფინანსური მხადამჭერით შეძენილი გენერატორები კიევში გაიგზავნება. გენერატორებს კიევში მიიღებს არასამთავრობო ორგანიზაცია, რომელიც მათ ყველაზე დაზარალებული უბნის 100 სადარბაზოს მიაწოდებს.