"ჯერ დათვი არ მომკვდარა... მაგრამ მგონია ისეა დაუძლურებული და შიშნაჭამი, ცოტა ხანი მაინც აიღებს ხელს ახალ ავანტიურაზე"

ვახტანგ ბოჭორიშვილის სახელობის კლინიკის გენერალური დირექტორი, დავით გადელია სოციალურ ქსელში საქართველოს გეოპოლიტიკურ როლის საკითხს ეხმიანება და ქვეყნის ირგვლივ განვითარებულ მოვლენებზე წერს:

"ჯერ დათვი არ მომკვდარა... მაგრამ მგონია ისეა დაუძლურებული და შიშნაჭამი, ცოტა ხანი მაინც აიღებს ხელს ახალ ავანტიურაზე და ძალადობაზე.

აუცილებლად უნდა ვისარგებლოთ დროის ამ ფანჯრით!

რა თქმა უნდა, არავითარ მეორე ფრონტს და სადმე ომით შეჭრას არ ვგულისხმობ - საერთოდ ვფიქრობ, რომ კეთილი სურვილებიც არ ამართლებს ძალადობას, პირიქით ამ სურვილებსაც აფერმკთალებს და საეჭვოს ხდის მის სიკეთეს...

თუმცა ახლა ამაზე არ ვსაუბრობ;

ახლა, ძალიან მალე დადგება დრო, რომ დაუსჯელად დავუთმოთ აშშ-ს სამხედრო ბაზებისთვის ტერიტორია!

ეს ნატოში შესვლაზე მეტიც იქნება, თუ რა თქმა უნდა, თავად აშშ-ს ექნება ამის სურვილი და სამხედრო რესურსი.

"რატომ უნდა გვქონდეს ვინმეს ბაზა, ვიყოთ ნეიტრალური, შვეიცარია, კისელის მდინარეები, მთვარეზე ღვინის მარნები"- ხალხის ნააზრევს აღარ განვიხილავ, მომბეზრდა და არც აქვს აზრი მათ შეგონებას.

ერთს ვიტყვი მხოლოდ:

ყველაზე დიდი აშკარა, ღიად მოწინააღმდეგე ცხადია რუსეთია, თუმცა გაიხსენეთ კიდევ რამდენი მეზობელი გვყავს ცნობილი მსოფლიო ისტორიაში, როგორც ყველაზე აგრესიული დამპყრობლები...

ცოტა ხანში, რა თქმა უნდა უკრაინასთან ომის შემდეგ (ან განმავლობაში) რუსეთი ვერ გაბედავს ამერიკასთან ჩვენს ასეთი სახის ალიანსს აქტიური წინააღმდეგობა გაუწიოს.

თუმცა, კიდევ ვიმეორებ, აშშ-ს სურვილი გადამწყვეტია ამ საქმეში.

ვფიქრობ უკვე დროა, ამ მიმართულებით იმუშაოს ხელისუფლებამ", - წერს გადელია.

ასევე დაგაინტერესებთ:

🔵 „მძევლებმა აჩვენეს თუ არა კლასი? განსაკუთრებით იმ ჯიგარმა ბიჭებმა, სელფით რომ დააგვირგვინეს“ - რას წერს სტეფანე? 

🔵 „პუტინმა ისევ ხაფანგში შეიყვანა საკუთარი თავი, ბირთვული იარაღის გამოყენებას ასეთ დასუსტებულ პუტინს არავინ შეარჩენს“ - სააკაშვილი