“კეთილი იყოს, თქვენი მობრძანება ჩემს სამშობლოში, რუსო “ტურისტო“! მავთულხლართებიდან რატო არ გადმოხვედი?!“ - ნინო კვაჭანტირაძე

რუსეთის მიერ, უკრაინაში სამხედრო იერიშის მიტანამ და ომმა სრულიად თავდაყირა დააყენა მსოფლიო, ხოლო საქართველოს ის ჭრილობები განუახლა, რომელსაც რუსეთი წლების მანძილზე აყენებს ქვეყანას და ხალხს.

არ დავიწყებული ომი და რუსეთის მხრიდან მრავალწლიანი მცოცავი ოკუპაცია, გახდა იმის მიზეზი, რომ მოქალაქეები პირდაპირ და მკაფიოდ გამოხატავენ თავიანთ პროტესტს, საქართველოში რუსი ხალხის მასიური შემოდინების შესახებ.

გთავაზობთ იურისტის, ნინო კვაჭანტირაძის პოსტს, რომელიც საქართველოში, რუსეთის მოქალაქეების შემოსვლას აპროტესტებს.

“კეთილი იყოს თქვენი მობრძანება ჩემს სამშობლოში რუსო ,,ტურისტო"!

მოდი, მე ვიქნები თქვენი გიდი და მოგატარებთ საქართველოს. 9 აპრილის მემორიალს გაჩვენებ, შინდისის გმირების საფლავს, გიორგი ანწუხელიძის საფლავთანაც მიგიყვანთ. ჩემთან ოზურგეთში, ზაზა დამენიას საფლავს გაჩვენებთ. გაჩვენებ ტატუნაშვილის საფლავს და ყველა იმ ადამიანის საფლავს, სადაც თქვენი გენი და სისხლი გაერია და ამოხოცა ერის საამაყო ხალხი. მათ ოჯახებს გაგაცნობთ შავებიან დედებს, დებს, ცოლებს, შვილებს, მამებს და ძმებს. მინდა რომ შეგრცხვეთ, მაგრამ სირცხვილი არ იცით თქვენ რა არის!!! 

მავთულხლართებიდან რატო არ გადმოხვედით?! თუ კომფორტის ზონიდან გამოსვლა არ გინდოდათ და როცა შეზღუდვის საფრთხე იგრძენი ჩემკენ გამოეშურე? მერე შენი შიზოიდი მმართველი იტყვის ჩემს მოქალაქეებს ავიწროვებენო და ისევ ჩვენი სისხლი უნდა დაღვაროს.

არასოდეს ვყოფილვარ ნაცისტი, მაგრამ ვერ ვიტან თქვენ არსებობას ჩემს ქვეყანაში! 

დიდება გმირებს!“ - წერს ნინო კვაჭანტირაძე

📌 „ომში წაგებული რუსეთი გვექაჩება თავისკენ, „პა ხაროშემო“ უნდათ ჩვენი მიწებება, რადგან „პა პლახომუს“ თავი აღარ აქვთ“ - რას წერს ბაია პატარაია

📌 ალა პუგაჩოვა, შესაძლოა თბილისში გადმოცხოვრდეს

📌 ჩვენ ბევრი რამ დავკარგეთ რუსეთთან თანაცხოვრების დროს. ამ დანაკარგებს შორის ღირსება პირველ ადგილზეა - ზვიად გიგაური